ސީޕީ އަހުމަދު މިހެން ވިދާޅުވީ އައްސޭރި ޖަލުގެ 14 ވަނަ އަހަރީ ދުވަސް ފާހަގަ ކުރުމަށް ބޭއްވި ހަފްލާގައި ދެއްކެވި ވާހަކަފުޅުގައެވެ.
އަހުމަދު ވިދާޅުވީ ޖަލުގެ އުމްރާނީ ތަރައްގީގެ ވަރަށް ގިނަ ކަންކަމަށް ކޮވިޑް 19 ގެ ސަބަބުން ހުރަސްތައް ކުރިމަތިވެގެން ދިޔަކަމަށެވެ. ނަމަވެސް އޭގެތެރެއިން ވަރަށް ގިނަ ކަންކަމުން އަރައިގަނެވުނީ އައްސޭރި ޖަލުގެ މުވައްޒަފުންގެ ބުރަ މަސައްކަތުންކަމަށް އަހުމަދު ވިދާޅުވިއެވެ.
އެގޮތުން ކުޑަދިންގެ އަދުލުގެ ގާނޫނުގެ ދަށުން ހަދަންޖެހޭ ޖުވެނައިލް ޑިޓެންޝަން ސެންޓަރ ތައްޔާރުކޮށް ހުޅުވަން ބޭނުންވި ދުވަހަށް އެކަން ނިންމުނީ އައްސޭރި ޖަލުގެ އޮފިސަރުންނާއި ގައިދީންގެ ބުރަ މަސައްކަތުންނާއި ޕްރިސްކޯގެ ދީލަތި އެހީތެރިކަމުންކަމަށް އަހުމަދު ވިދާޅުވިއެވެ.
އަދި އެއީ މޯލްޑިވްސް ކަރެކްޝަނަލް ސާރވިސްއަށް ލިބުނު ވަރަށް ބޮޑު ކާމިޔާބީއެއްކަމަށްވެސް އަހުމަދު ވިދާޅުވިއެވެ.
