ކޮންމެ އަހަރަކުވެސް ރޯދަ މަހާ ދިމާކޮށް މުނި ހޯމްކެއާއިން ބާއްވަމުން އަންނަ "ސުޕަ ފާސްޓް" ސޭލްގައި އެންމެ ހެޔޮ އަގުތަކުގައި ފަރުނީޗަރާއި، ގެދޮރު ޒީނަތްތެރިކުރާ ސާމާނު އަދި ގެދޮރު އިމާރާތްކުރާ ސާމާނު ލިބޭނެ ކަމަށް މުނި ހޯމްކެއާ އިން މައުލޫމާތު ދެއެވެ.
މި ސޭލްގައި ވަގުތުން ލިބޭ އަގުހުރި އިނާމްތަކުގެ އިތުރުން ގުރުއަތުން ހޮވޭ ފަރާތްތަކުގެ ތެރެއިން އެއް ވަނަ ފަރާތަކަށް އެއްލައްކަ ރުފިޔާގެ އަގުހުރި ބަދިގެ ސެޓެއް އަދި ދެވަނައަށް ހޮވޭ ފަރާތަކަށް ތިރީސް ހާސް ރުފިޔާގެ އަގުހުރި ލަގްޒަރީ ބެޑްރޫމް ސެޓެއް ލިބޭނެ އެވެ. އޭގެ އިތުރުން ތިން ވަނަ ފަރާތަކަށް ވިހި ހާސް ރުފިޔާގެ އަގުހުރި ހިތްގައިމު ސޯފާ ސެޓެއް ލިބިގެންދާނެ ކަމަށް އެތަނުން ބުނެ އެވެ.
އަމީނީ މަގުގައި ހުންނަ މުނި ހޯމްކެއާ ލިވިން ސެންޓަރުގެ އިތުރުން ބޮޑުތަކުރުފާނު މަގު، އެމްޕީއެލް ސަރަޙައްދުގައި ހުންނަ ފަރުނީޗާ ސެންޓަރާއި އުތުރު ބަނދަރު ކުރިމަތީގައި ހުންނަ މުނި ޓްރޭޑާސް އަދި ހުޅުމާލޭ ސެންޓްރޯ މޯލްގައި ހުންނަ މުނި ހޯމްކެއާ ސޭލްސް ސެންޓަރުގައި ވެސް މި ސޭލް ކުރިއަށްދާނެ އެވެ.
ހުޅުމާލޭ ސެންޓްރޯ މޯލްގެ ތިން ވަނަ ފަންގިފިލާގައި ހުންނަ ފިހާރައިން މާލޭގައި ހުންނަ މުނި ހޯމްކެއާގެ ހުރިހާ ފިހާރަތަކުން ލިބެން ހުރި ގިނަ ބާވަތްތަކެއްގެ މުދާ ފަސޭހަކަމާއިއެކު ހުޅުމާލޭގަ އުޅޭ ފަރާތްކަށް ލިބޭނެ ހުންނާނެ ކަމަށް ވެސް މުނިހޯމް ކެއާއިން ބުނެ އެވެ.
