މެއި 2020 ގައި ހިނގި މި ހާދިސާގައި ބަބުލް މިއަހް ވަނީ ތޫނު އެއްޗެހި ބޭނުންކޮށްގެން ޝާހް ޢަލަމްގެ ކަރަށާއި މޭމައްޗަށް އަދި ބުރަކަށީގެ އެކި ތަންތަނަށް ނުރައްކާތެރި ހަމަލާތަކެއް ދީ މަރާލާފައެވެ.
މި މައްސަލައިގައި ދިފާއުން އޭނާ އަމަލުކުރީ ނަފްސުގެ ދިފާއުގައި ކަމަށް ބުނި ނަމަވެސް، ދައުލަތުން ހުށަހެޅި ފޮރެންސިކް ހެކި، ޑީއެންއޭ އަދި ހެކިންގެ ހެކިބަހުން ބަބުލް މިއަހް ދެއްކި ވާހަކަތަކަކީ ދޮގުކަން ސާބިތުވާތީ، ގާޟީ އަލްއުސްތާޒް މުޒައްމިލު ނާޞިރު ވަނީ ތޫނު އެއްޗެއް ބޭނުންކޮށްގެން ގަޞްދުގައި މީހަކު މެރުމުގެ ކުށް އޭނާގެ މައްޗަށް ސާބިތުވާ ކަމަށް ކަނޑައަޅުއްވައި، އުމުރު ދުވަހުގެ ޖަލު އަދަބަކާއެކު މަރުގެ ދިޔަ ދެއްކުމަށް އަމުރުކުރައްވާފަ އެވެ.
