ޝައުނާ މިހެން ވިދާޅުވީ، އެމްޑީޕީގެ ރިޔާސީ ޕްރައިމަރީގެ ކެމްޕެއިނުގައި ރައީސް އިބްރާހީމް މުހައްމަދު ސާލިހުގެ އަރިހުގައި އައްޑޫ ސިޓީއަށް ކުރެއްވި ދަތުރުފުޅުގައި މީދޫގައި ވާހަކަ ދައްކަވަމުންނެވެ. ޝައުނާއަކީ ކުރިން ރައީސް ނަޝީދުގެ އަރިސް ބޭފުޅެކެވެ. އެހެންނަމަވެސް އެމްޑީޕީގެ ޗެއާޕާސަން އިންތިހާބުގައި ނަޝީދުވަނީ ޝައުނާއާ މެދު ހިތްޕުޅު ހަމަ ޖެހިވަޑައި ނުގެން ޓްވީޓްވެސް ކުރައްވާފައެވެ.
އެމްޑީޕީގެ ރިޔާސީ ޕްރައިމަރީގެ ފޯރިވަނީ ރައީސް ސޯލިހާ ރައީސް ނަޝީދާ ދެމެދު އިންތިހާއަށް ގަދަވެފައެވެ. ރިޔާސީ ޕްރައިމަރީ އޮންނާނީ މި މަހުގެ 28 ވަނަ ދުވަހުއެވެ. މިއީ ފަހުގެ ތާރީޚެއްގައި ރާއްޖޭގައި ބޭއްވޭނެ އެންމެ ފޯރިގަދަ އެތެރޭގެ އިންތިހާބަށްވާނެއެވެ. މި އިންތިހާބުގައި ދެ ރައީސުންވެސް އެއް ބޭފުޅަކު އަނެއް ބޭފުޅަކަށް އަމާޒުކޮށް ވަރުގަދަ ބަހުގެ ހަމަލާތައް ފޮނުއްވަމުން ދާއިރު، ދެ ބޭފުޅުންގެ ފަހަތުގައި ތިއްބެވި އެމްޑީޕީގެ އިސް ބޭފުޅުންގެ ފޯރިވެސް ފެންނަނީ ގަދަކޮށެވެ.
