މި ތިން މަޝްރޫއު އެމްޓީސީސީ އާ ހަވާލުކުރުމަށް ޕްލޭނިން މިނިސްޓްރީގައި ބޭއްވި ރަސްމިއްޔާތުގައި އެމްޓީސީސީގެ ފަރާތުން ސޮއިކުރެއްވީ އެ ކުންފުނީގެ ޗީފް އެގްޒެކެޓިވް އޮފިސަ އާދަމް އާޒިމެވެ. ޕްލޭނިން މިނިސްޓްރީގެ ފަރާތުން ސޮއިކުރެއްވީ ޑިރެކްޓަ ޖެނެރަލް ފާތުމަތު ޝާނާ ފާރޫގެވެ.
އދ. އޮމަދޫ ބަނދަރު ތަރައްގީކުރުމުގެ މަޝްރޫއުގެ ދަށުން ކުރުމަށް ހަމަޖެހިފައިވާ މައިގަނޑު މަސައްކަތްތަކަކީ:
- އާ ހާބަ ބޭސިން ފުންުކުރުން - 49،765 ކިއުބިކް މީޓަރު
- ނެރު ފުންކުރުން - 12،105 ކިއުބިކް މީޓަރު
- 398 މީޓަރު ބޭރުތޮށި ލުން
- 208 މީޓަރު ރިވެޓްމެންޓް ޖެހުން
- 346.10 މީޓަރު އެއްގަމުތޮށި ލުން
- ރޭމްޕެއް ހެދުން
- ކޮންކްރީޓް ޖެޓީއެއް ހެދުން
- 1،647.11 އަކަ މީޓަރު ޕޭވްމަންޓް ހެދުން
- ނެރު ބައްތި ހަރުކުރުން
- ބަނދަރު ބައްތި ހަރުކުރުން
ޕްލޭނިން މިނިސްޓްރީގެ ފަރާތުން މި މަސައްކަތް އެމްޓީސީސީ އާ ހަވާލުކޮށްފައިވަނީ 66.96 މިލިއަން ރުފިޔާ އަށް 630 ދުވަހުގެ ތެރޭގައި މަސައްކަތް ނިންމާ ހަވާލުކުރާ ގޮތަށެވެ. މި މަސައްކަތް ފެށުމަށް ހަމަޖެހިފައިވަނީ އެންވަޔަރަންމަންޓަލް އިމްޕެކްޓް އެސަސްމެންްޓެއް ހެދުމަށް ފަހުގައެވެ.
އޮމަދޫ ބަނދަރު ތަރައްގީކުރުމުގެ މަޝްރޫއު އެމްޓީސީސީ އާ ހަވާލުކުރުމަށް ބޭއްވި ރަސްމިއްޔާތުގެ ތެރެއިން - ފޮޓޯ:ޕްލޭނިން މިނިސްޓްރީ
އއ. ރަސްދޫ ބަނދަރު ބޭރުތޮށި ލުމާއި ގޮނޑުދޮށް ހިމާޔަތްކުރުމުގެ މަޝްރޫއުގެ ދަށުން ކުރުމަށް ހަމަޖެހިފައިވާ މައިގަނޑު މަސައްކަތްތަކަކީ:
- 106،552 ކިއުބިކް މީޓަރުގެ ސަރަހައްދެއްގެ ބިން ހިއްކުން
- 106 މީޓަރު ބޭރުތޮށި ލުން
- 224 މީޓަރު ގްރޮއިން ޖެހުން
- 1،656 މީޓަރު ރިވެޓްމެންޓް ޖެހުން
- 177 މީޓަރު އެއްގަމުތޮށި ލުން
- ރޭމްޕެއް ހެދުން
- ދެ ކޮންކްރީޓް ބްރިޖް ހެދުން
- 795 އަކަ މީޓަރު ޕޭވްމަންޓް ހެދުން
- ނެރު ބައްތި ހަރުކުރުން
- ބަނދަރު ބައްތި ހަރުކުރުން
ޕްލޭނިން މިނިސްޓްރީގެ ފަރާތުން މި މަސައްކަތް އެމްޓީސީސީ އާ ހަވާލުކޮށްފައިވަނީ 80.44 މިލިއަން ރުފިޔާ އަށް 365 ދުވަހުގެ ތެރޭގައި މަސައްކަތް ނިންމާ ހަވާލުކުރާ ގޮތަށެވެ. މި މަސައްކަތް ފެށުމަށް ހަމަޖެހިފައިވަނީ އެންވަޔަރަންމަންޓަލް އިމްޕެކްޓް އެސަސްމެންްޓެއް ހެދުމަށް ފަހުގައެވެ.
ރަސްދޫ ބަނދަރު ބޭރުތޮށި ލުމާއި ގޮނޑުދޮށް ހިމާޔަތްކުރުމުގެ މަޝްރޫއު އެމްޓީސީސީ އާ ހަވާލުކުރުމަށް ބޭއްވި ރަސްމިއްޔާތުގެ ތެރެއިން - ފޮޓޯ:ޕްލޭނިން މިނިސްޓްރީ
ރ. ވާދޫ ގޮނޑުދޮށް ހިމާޔަތްކުރުމުގެ މަޝްރޫއުގެ ދަށުން ކުރުމަށް ހަމަޖެހިފައިވާ މައިގަނޑު މަސައްކަތަކީ:
- 275 މީޓަރު ގްރޮއިން ޖެހުން
ޕްލޭނިން މިނިސްޓްރީގެ ފަރާތުން މި މަސައްކަތް އެމްޓީސީސީ އާ ހަވާލުކޮށްފައިވަނީ 13.45 މިލިއަން ރުފިޔާ އަށް 300 ދުވަހުގެ ތެރޭގައި މަސައްކަތް ނިންމާ ހަވާލުކުރާ ގޮތަށެވެ. މި މަސައްކަތް ފެށުމަށް ހަމަޖެހިފައިވަނީ އެންވަޔަރަންމަންޓަލް އިމްޕެކްޓް އެސަސްމެންްޓެއް ހެދުމަށް ފަހުގައެވެ.
ވާދޫ ގޮނޑުދޮށް ހިމާޔަތްކުރުމުގެ މަޝްރޫއު އެމްޓީސީސީ އާ ހަވާލުކުރުމަށް ބޭއްވި ރަސްމިއްޔާތުގެ ތެރެއިން - ފޮޓޯ:ޕްލޭނިން މިނިސްޓްރީ
