ނާޒިމްގެ ގެއިން ފިސްތޯލަ ފެނުނުތާ މިއަދު އަށް އަހަރު ފުރުނުއިރު، ނާޒިމްވަނީ އެ ހަނދާންތައް އަލުން އާ ކުރައްވާފައެވެ. ނާޒިމްގެ ގޭގައި ފިސްތޯލައެއް އޮވެގެން ކަމަށް ބުނެ ފުލުހުން އެ ގެއަށްވަނީ ދަންވަރުއެވެ.
ނާޒިމްގެ ކޮޓަރިން ފިސްތޯލައަކާއި ތިން ވަޒަން ފެނުނު މައްސަލާގައި އޭނާ 11 އަހަރަށް ޖަލަށް ލާން ކްރިމިނަލް ކޯޓުން ހުކުމްކޮށްފައިވާއިރު އެ ހުކުމަށް ހައި ކޯޓުން ވަނީ ތާއީދުކޮށްފަ އެވެ. ދަށު ކޯޓާއި ހައި ކޯޓުން ވެސް ފާހަގަކޮށްފައިވަނީ އެ ފިސްތޯލަ ބޭއްވީ ކާކުކަން ނާޒިމަށް ސާބިތުކޮށް ނުދެވުން ކަމަށެވެ.
ކުރީގެ ސުޕްރީމް ކޯޓުންވެސް އެ ހުކުމް ދެމެހެއްޓިއެވެ. ފަހުން އެ މައްސަލަ ސުޕްރީމް ކޯޓަށް ރިވިއުއަށް ހުށަހެޅިއިރު، ނާޒިމްގެ ފަރާތުން ވަކާލާތު ކުރެއްވީ މިހާރު ސުޕްރީމް ކޯޓުގެ ފަނޑިޔާރު ހުސްނުއްސޫދެވެ. ރިވިއު ކުރުމަށް ފަހު ސުޕްރީމް ކޯޓުން އެ މައްސަލަ ބާތިލުކޮށް ނާޒިމް މިނިވަން ކުރިއެވެ.
