ޖައިޝަންކަރު މިހެން ވިދާޅުވީ ދެ ދުވަހުގެ ދަތުރުފުޅަކަށް ރާއްޖެއަށް ކުރެއްވި ރަސްމީ ދަތުރުފުޅުގައި ރައީސް އިބްރާހިމް މުހައްމަދު ސޯލިހްއާއި ބައްދަލުކުރައްވާ ދެއްކެވި ވާހަކަފުޅުގައެވެ.
ހދ ހަނިމާދޫ ވައިގެ ބަނދަރުގައި ބޭއްވި ބައްދަލުވުމުގައި ޖައިޝަންކަރު ވިދާޅުވީ އިންޑިއާއާއި ރާއްޖެއިން ޝައުގުވެރިވާ ކަންކަމުގައި ދެ ގައުމުންވެސް ގުޅުން ބަދަހިކުރަމުންދަނީ ދެގައުމަށްވެސް އޭގެ ފައިދާ ލިބޭނެގޮތަށް ކަމަށެވެ.
އެގޮތުން ފަތުރުވެރިކަމުގެ ދާއިރާއިންނާއި، ކުދި އަދި މެދު ފަންތީގެ ވިޔަފާރިތަކާއި، ސަރަހައްދީ އަދި މަލްޓިލޭޓަރަލް ކޯޕަރޭޝަންގެ އެހެނިހެން ދާއިރާތަކުން ގުޅުން ބަދަހިކުރަމުން ގެންދާކަމަށް ޖައިޝަންކަރު ވިދާޅުވިއެވެ.
މި ބައްދަލުވުމުގައި ރައީސް ސޯލިހް ދެއްކެވި ވާހަކަފުޅުގައި އިންޑިއާގެ "ނެއިބަރހުޑް ފަސްޓް ޕޮލިސީ"ގެ ދަށުން ރާއްޖެއަށް ބޮޑެތި ފައިދާތަކެއް ލިބޭކަމަށް ވިދާޅުވިއެވެ.
އަދި އިންޑިއާ ފަސްޓް ޕޮލިސީ ދެމެހެއްޓުމަށް ރާއްޖެއިން އަބަދުވެސް މަސައްކަތް ކުރާނެ ކަމުގެ ޔަގީންކަން ރައީސް ދެއްވިއެވެ.
