ކުޑަ ދުވަސްކޮޅެއްގެ ތެރޭގައި އާއްމުންގެ ބޮޑު މަގްބޫލްކަމެއް ހޯއްދެވީ މަބްރޫކްވަނީ ހުކުރު ދުވަހުގެ ރޭ އޮތް ރައީސް އިބްރާހީމް މުހައްމަދު ސޯލިހުގެ ކެމްޕެއިން އިވެންޓުގައި ބައިވެރިވެވަޑައިގެން ވާހަކަ ދައްކަވާފައެވެ.
މަބްރޫކު ހުކުރު ދުވަހުގެ ރޭ ދެއްކެވި ވާހަކައިގައިވަނީ ކޮވިޑު 19 ގެ ތެރޭގައި ރައީސް ސޯލިހުގެ މަސައްކަތްތައް ގެންގުޅުއްވި ގޮތް ވަރަށް ދިގު ކޮށް ކިޔައި ދެއްވާފައެވެ.
ސަރުކާރުގެ ތަރުޖަމާނުގެ މަގާމު ފުރުއްވި މަބްރޫކްވަނީ މިދިޔަ އަހަރުގެ ފަހުކޮޅުގައި ސަރުކާރުގައި އަދާކުރައްވަމުން ގެންދެވި މަގާމުން އިސްތިއުފާ ދެއްވާފައެވެ. އޭގެ ފަހުން، ހުކުރު ދުވަހުގެ ރޭ ރައީސް ސޯލިހުގެ ކެމްޕޭނަށް ނުކުންނެވުމާ ހަމައަށް މަބްރޫކް އުޅުއްވީ ވަރަށް ލޯ ޕްރޮފައިލްކޮށެވެ.
ސަރުކާރުގެ އިސް މަގާމެއް ދޫކޮށްލެއްވި ސަބަބާ ގުޅޭ ގޮތުން މަބްރޫކް މާ ގިނަ ވާހަކައެއް ނުދައްކަވައެވެ. ހަމައެކަނި ޖަވާބަކަށްވީ "މިވަގުތަށް ފަހަތަށް ޖެހިލީ" ކަމަށެވެ.
