Advertisement

މާފަރު އެއާޕޯޓުން ޖެޓް ފިއުލް ވިއްކުމަށް ވާން ޖެހޭ ތައްޔާރީތައް ވަމުންދާއިރު، މިހާރު ވަނީ އެ ކަމަށްޓަކައި ގާއިމުކުރި ވަސީލަތްތައް ޓެސްޓްކުރަން ފަށާފައެވެ.

އެއާޕޯޓުގައި ތަރައްގީ ކުރާ ފިއުލް ފާމް

• 400،00 ލީޓަރުގެ ތެޔޮ ރައްކާ ކުރެވޭ ވަގުތީ ތަނެއް
• ބޭނުންވާ ޓޭންކްތައް މާފަރަށް ވަނީ ގެނެސްފައި
• މިހާރު ކުރިޔަށް ދަނީ ޓެސްޓް މަރުހަލާ، ރަސްމީކޮށް ހިދުމަތް ފަށާނީ އަންނަމަހު

އަމިއްލަ މީހުންގެ ޖެޓް ގިނަ އަދަދަކަށް ޖައްސާ މި އެއާޕޯޓަކީ ރާއްޖޭގެ އުތުރުން ނ. އަތޮޅުގައި ހިންގަމުންދާ އެއާޕޯޓެކެވެ. ނ. އަތޮޅާއި އެ ސަރަހައްދުގައި ހިންގަމުންދާ މަތީ ފަންތީގެ ގިނަ ރިސޯޓުތަކަށް އަންނަ މުއްސަނދިންގެ ޖެޓުތައް ޖައްސަމުންދަނީ މާފަރު އެއާޕޯޓަށެވެ. ވަގުތީ ފިއުލް ފާމަކާ އެކު، ތެޔޮ ވިއްކަން ފަށަން ނިންމާފައިވަނީ އެއާޕޯޓުން ތެޔޮ ލިބެން ނުހުންނާތީ ޖެޓު އޮޕަރޭޓަރުންގެ ފަރާތުން އެ ޝަކުވާ ލިބެމުންދާތީއެވެ.

މާފަރު އިންޓަނޭޝަނަލް އެއާޕޯޓު 

• އެއާޕޯޓު ތަރައްގީ ކޮށްފައިވަނީ އަބޫދާބީ ފަންޑުގެ ހިލޭ އެހީގައި
• 2.2 މީޓަރު ފުޅާ ރަންވޭ އަކާ އެކު 2019 ވަނަ އަހަރު ހުޅުވި
• މިހާރު ބޮއެންގް އޭ-320 އާއި 737 މަރުކާގެ ބޯޓުތަކަށް ޖެއްސޭ
• އެއާޕޯޓު ތަރައްގީ ކުރުމާއި ރަންވޭ ބޮޑުކުރުމަށް 444.2 މިލިއަން ރުފިޔާއަށް އެމްޓީސީސީ އާ ވަނީ ހަވާލުކޮށްފައި
• ރަންވޭ ބޮޑުކުރުމުން ވައިޑް ބޮޑީ އެއާކްރާފްޓުތަކަށް ޖެއްސޭނެ