އެގޮތުން ކޮމެޓީީން ވަކިކުރުމަށް ނިންމާފައިވާ ހަތަރު ފަރާތަކީ ސިވިލް ސާވިސް ކޮމިޝަނުގެ ރައީސް ޑރ. އަލީ ޝަމީމާއި، ކޮމިޝަންގެ ނައިބު ރައީސް ޝަހީދު މުހައްމަދުގެ އިތުރުން މެންބަރު އިބްރާހިމް ޝަހީގު އަދި ޒަކަރިއްޔާ ހުސައިނެވެ.
މިނިވަން މުއައްސަސާތަކުގެ ކޮމިޓީގެ މިއަދުގެ ބައްދަލުވުމުގައި މި ހަތަރު މެމްބަރުން މަގާމުން ވަކި ކުރުމަށް ހުށަހެޅުއްވީ އިނގުރައިދޫ ދާއިރާގެ މެމްބަރު ހަސަން އަހުމަދެވެ.
ހަތަރު މެމްބަރުން ވަކި ކުރުމަށް ކޮމިޓީން ފާސްކޮށްފައިވާއިރު އެ މެމްބަރުންނަށް ޖަވާބުދާރީ ވުމުގެ ފުރުސަތު ވެސް ވަނީ ދީފައެވެ.
އެ ކޮމިޓީ ބައްދަލުވުމުގައި ވާހަކަ ދެއްކެވި ހުރިހާ މިނިސްޓަރުން ވަނީ ސީއެސްސީގެ އެއްބާރުލުން ނުލިބޭ ކަމަށް ވިދާޅުވެފައެވެ.
ހަމައެހެންމެ ބައެއް ކަންކަން ކޮށްދިނުމުގައި މިނިސްޓްރީތަކުން ބޭނުންވާ ސްޕީޑާ އެއް ވަރަށް ވެސް ސީއެސްސީއަށް މަސައްކަތް ނުކުރެވޭ ކަމަށް ވިދާޅުވެފަ އެވެ.
