ބީއެމްއެލުން ބުނެފައިވަނީ އެ ބޭންކުން ދޫކުރަމުން އައި ލޯނާއި ފައިނޭންސިން ލިމިޓް އިިތުރުކޮށްފައިވާ ކަމަށާއި މިހާރު 1.2 މިލިއަން ރުފިޔާ އަށް ރަހުނަކާއި ނުލާ ލޯނާއި ފައިނޭންސިން ލިބޭނެ ކަމަށެވެ.
އެ ބޭންކުން ބުނި ގޮތުގައި މިއަދުން ފެށިގެން، އަމިއްލަ އެކި ބޭނުންތަކަށް ނަގާ ލޯނުތައް އެއްކޮށްލެވި ލޯނުތައް ދޫކުރަމުން ދާނީ 'ބީއެމްއެލް ލުއި ލޯނު' ގެ ގޮތުގައެވެ. އެގޮތުން ބީއެމްއެލް އިސްލާމިކް ޕާސަނަލް ފައިނޭންސިން މެދުވެރިކޮށް ބޭންކުގެ ކަސްޓަމަރުންނަށް 1.2 މިލިއަން ރުފިޔާ އާއި ހަމަޔަށް މުދާ ގަތުމަށް ނުވަތަ ނަގުދު ފައިސާ ލިބޭ ގޮތަށް ފައިނޭންސިން ދޫކުރާނެ ކަމަށް އެ ބޭންކުން ބުނެއެވެ. މި ބަދަލާ އެކު، ބޭންކުން މިހާރު ލުއި ލޯނު ދިނުމާއި ޕާސަނަލް ފައިނޭންސިން ދޫކުރާއިރު މުސާރައިގެ އިތުރުން ލިބޭ އެހެނިހެން އާމްދަނީ އަށް ވެސް ބަލާނެކަމަށް ބީއެމްއެލުން ބުނެއެވެ.
ބީއެމްއެލުން ބުނީ އިންޓަނެޓް އަދި މޯބައިލް ބޭންކިން މެދުވެރިކޮށް ލުއި ލޯނު އަދި ޕާސަނަލް ފައިނޭންސިން އަށް އެދި ހުށަހެޅޭނެ ކަމަށާއި ފަސް ދުވަހުގެ ތެރޭގައި ޕްރޮސެސް ކުރެވޭނެ ކަމަށެވެ.
އިތުރު މައުލޫމާތު ހޯދުމަށް:
https://link.bml.com.mv/lui-loan
https://link.bml.com.mv/islamic-personal-financing
