Advertisement

އައްޑޫ ސިޓީން 500 ގޯތި ދޫކުރަން މި މަހުގެ 23 ވަނަ ދުވަހުގެ ރޭ 12:00 ފަހުން އިއުލާނުކުރި މައްސަލާގައި ސިޓީ ކައުންސިލަށް ފާޑިކިއުން އަމާޒުވެފައި ވަނިކޮށް، ރޭ ހިތަދޫން ގޯތި ދޫކުރަން ގެޒެޓްކުރީވެސް ރޭ 11:30 އެހާއިރު އެވެ.

ހިތަދޫން 500 ގޯތި ދޫކުރާއިރު އޭގެތެރެއިން 450 ގޯތި ހާއްސަކޮށްފައިވަނީ ހިތަދޫ ރައްޔިތުންނަށެވެ. އަދި 50 ގޯތި ހާއްސަކުރީ އައްޑޫ ސިޓީ އެހެން ރަށްރަށުގެ މީހުންނަށެވެ. ހިތަދޫން ދޫކުރަނީ 1500 އަކަފޫޓުގެ ގޯއްޗެވެ.

މީގެކުރިން އައްޑޫ ސިޓީގެ ހުޅުދޫ އަދި މީދޫން، ކޮންމެ ރަށަކުން 2،000 އަކަފޫޓުގެ 100 ގޯތި ދޫކުރަންވަނީ އިއުލާނުކޮށްފައެވެ. އަދި ފޭދޫއިން 1،500 އަކަފޫޓުގެ 300 ގޯތި ދޫކުރަން އިއުލާނުކޮށްފައި ވެއެވެ.