Advertisement

މި ހަތަރު މަޝްރޫއުގެ މަސައްކަތް ކޮންޓްރެކްޓަރުންނާ ހަވާލުކުރުމަށް ޕްލޭނިން މިނިސްޓްރީގައި ބޭއްވި ރަސްމިއްޔާތުގައި ށ. ފުނަދޫ ގޮނޑުދޮށް ހިމާޔަތްކުރުމާއި ތ. ބުރުނި ބަނދަރު ތަރައްގީ ކުރުމާއި ގދ. ފިޔޯރީ ބަނދަރު ތަރައްގީ ކުރުމާއި ގޮނޑުދޮށް ހިމާޔަތްކުރުމުގެ މަޝްރޫއުގެ މަސައްކަތް ކުރުމަށް ހަވާލުވި އެމްޓީސީސީގެ ފަރާތުން ސޮއިކުރެއްވީ އެ ކުންފުނީގެ ޗީފް އެގްޒެކެޓިވް އޮފިސަ އާދަމް އާޒިމެވެ.

ލ. ގަން ނަރުދަމާ ތަރައްގީ ކުރުމުގެ މަޝްރޫއު ހަވާލުކުރި ފެނަކަ ކޯޕަރޭޝަންގެ ފަރާތުން ސޮއިކުރެއްވީ އެ ކުންފުނީގެ މެނޭޖިން ޑިރެކްޓަރު އަހުމަދު ސައީދު މުހައްމަދެވެ. މި މަޝްރޫއުތަކުގެ އެއްބަސްވުންތަކުގައި ޕްލޭނިން މިނިސްޓްރީގެ ފަރާތުން ސޮއިކުރެއްވީ ޑިރެކްޓަ ޖެނެރަލް ފާތުމަތު ޝާނާ ފާރޫގެވެ.

ފުނަދޫ ގޮނޑުދޮށް ހިމާޔަތްކުރުމުގެ މަޝްރޫއުގެ ދަށުން ކުރުމަށް ހަމަޖެހިފައިވާ މައިގަނޑު މަސައްކަތްތަކަކީ:

• 670 މީޓަރު ޖިއޯބޭގް ރިވެޓްމެންޓް ޖެހުން
• 20 މީޓަރު ތިން ގްރޮއިން ގާއިމުކުރުން
• އެ ސަރަހައްދުގެ ގޮނޑުދޮށް ވެލިން މުއްސަނދިކުރުން

ޕްލޭނިން މިނިސްޓްރީގެ ފަރާތުން މި މަސައްކަތް އެމްޓީސީސީ އާ ހަވާލުކޮށްފައިވަނީ 20.04 މިލިއަން ރުފިޔާ އަށް 280 ދުވަހުގެ ތެރޭގައި މަސައްކަތް ނިންމާ ހަވާލުކުރާ ގޮތަށެވެ.

ބުރުނި ބަނދަރު ތަރައްގީކުރުމުގެ މަޝްރޫއުގެ ދަށުން ކުރުމަށް ހަމަޖެހިފައިވާ މައިގަނޑު މަސައްކަތްތަކަކީ:

• ބަނދަރު ފުންކުރުން - 9،800 ކިއުބިކް މީޓަރު (މެދު ދިޔައިން ފެށިގެން 3.5- މީޓަރު ހަމަވާ ވަަރަށް)
• އާ ބަނދަރު ފުންކުރުން - 20،100 ކިއުބިކް މީޓަރު (މެދު ދިޔައިން ފެށިގެން 3.5- މީޓަރު ހަމަވާ ވަަރަށް)
• ބަނދަރަށް ވަންނަ ނެރު ފުންކުރުން - 8،400 ކިއުބިކް މީޓަރު (މެދު ދިޔައިން ފެށިގެން 4.0- މީޓަރު ހަމަވާ ވަަރަށް)
• 308 މީޓަރު ސޭންޑް ފިލް ބްރޭކް ވޯޓާ
• 46 މީޓަރު ނެރު ފައިކަށި ޖެހުން
• 181 މީޓަރު ރިވެޓްމެންޓް ޖެހުން
• 20 ސަބްމާޖްޑް ބްރޭކް ވޯޓާ ޖެހުން
• 276 މީޓަރު އެއްގަމުތޮށި ލުން
• 02 ނެރު ބައްތި ހަރުކުރުން
• 35 މަގު ބައްތި ހަރުކުރުން

ޕްލޭނިން މިނިސްޓްރީގެ ފަރާތުން މި މަސައްކަތް އެމްޓީސީސީ އާ ހަވާލުކޮށްފައިވަނީ 58.69 މިލިއަން ރުފިޔާ އަށް 450 ދުވަހުގެ ތެރޭގައި މަސައްކަތް ނިންމާ ހަވާލުކުރާ ގޮތަށެވެ.

ފިޔޯރީ ބަނދަރު ތަރައްގީ ކުރުމާއި ގޮނޑުދޮށް ހިމާޔަތްކުރުމުގެ މަޝްރޫއުގެ ދަށުން ކުރުމަށް ހަމަޖެހިފައިވާ މައިގަނޑު މަސައްކަތްތަކަކީ: 

• ބަނދަރު ފުންކުރުން - 26،750 ކިއުބިކް މީޓަރު (މެދު ދިޔައިން ފެށިގެން 3.5- މީޓަރު ހަމަވާ ވަަރަށް)
• ނެރު ފުންކުރުން - 18،300 ކިއުބިކް މީޓަރު (މެދު ދިޔައިން ފެށިގެން 4.0- މީޓަރު ހަމަވާ ވަަރަށް)
• 281 މީޓަރު ރިވެޓްމެންޓް ޖެހުން
• 155 މީޓަރު ގްރޮއިން ޖެހުން
• 166 މީޓަރު އެއްގަމު ތޮށިލުން
• 166 މީޓަރު ސްކޯރިންގް އެޕްރޮން ޖެހުން
• 10 މޫރިންގް ބޮއި ހަރުކުރުން
• އެކްސެސް ޕްލެޓްފޯމް އެޅުން
• 04 ނެވިގޭޝަން ލައިޓް ހަރުކުރުން
• 08 މަގުބައްތި ހަރުކުރުން
• 760 އަކަ މީޓަރު ޕޭވްމަންޓް ހެދުން

ޕްލޭނިން މިނިސްޓްރީގެ ފަރާތުން މި މަސައްކަތް އެމްޓީސީސީ އާ ހަވާލުކޮށްފައިވަނީ 38.91 މިލިއަން ރުފިޔާ އަށް 400 ދުވަހުގެ ތެރޭގައި މަސައްކަތް ނިންމާ ހަވާލުކުރާ ގޮތަށެވެ.

ގަން ތުނޑި އަލަށް އާބާދުވި ސަރަހައްދުގެ ނަރުދަމާ ތަރައްގީ ކުރުމުގެ މަޝްރޫއުގެ ދަށުން ކުރުމަށް ހަމަޖެހިފައިވާ މައިގަނޑު މަސައްކަތްތަކަކީ:

• މިހާރު ގާއިމުކުރެވިފައިވާ ނިޒާމު އެއްކޮށް ބަދަލުކޮށް ފަސޭހައިން ހިދުމަތް ދެވޭނެ ނިޒާމެއް ގާއިމުކުރުން

ޕްލޭނިން މިނިސްޓްރީގެ ފަރާތުން މި މަޝްރޫއު ފެނަކަ އާ ހަވާލުކޮށްފައިވަނީ 26.91 މިލިއަން ރުފިޔާ އަށް 660 ދުވަހުގެ ތެރޭގައި މަސައްކަތް ނިންމާ ހަވާލުކުރާ ގޮތަށެވެ.