ޗެމްޕިއަން އޮފް ޗެމްޕިއަންސްގައި، އިމްއާން ވަނީ ހަތް އިވެންޓަކުން އެއްވަނަ އަދި ދެ އިވެންޓަކުން ދެ ވަނަ ހޯދައިފަ އެވެ. އިމްއާން އެއް ވަނަ ހޯދީ، 50 މީޓަރު 100 މީޓަރު އަދި 200 މީޓަރު ބެކްސްޓްރޯކް، 100 މީޓަރު، 200 މީޓަރު އަދި 400 މީޓަރު ފްރީސްޓައިލްގެ އިތުރުން 100 މީޓަރު އިންޑިވިޖުއަލް މެޑްލޭ އިންނެވެ. އިމްއާނަށް ދެ ވަނަ ލިބުނީ 50 މީޓަރު ފްރީސްޓައިލް އަދި 50 މީޓަރު ބަޓަފްލައިސްޓްރޯކް އިވެންޓުންނެވެ.
މެރާލް، ފެންމުތުގެ ޝަރަފް ހޯދީ ހަ އިވެންޓަކުން އެއް ވަނަ އަދި ދެ އިވެންޓެކުން ދެ ވަނައާ އެއް އިވެންޓެއްގެ ތިން ވަނަ ހޯދައިގެންނެވެ. މެރާލް އެއް ވަނަ ހޯދީ، 400 މީޓަރު ފްރީސްޓައިލް، 50 މީޓަރު ، 100 މީޓަރު ، 200 މީޓަރު ބަޓަފްލައިސްޓްރޯކް، 200 މީޓަރު އިންޑިވިޖުއަލް މެޑްލޭ އަދި 400 މީޓަރު އިންޑިވިޖުއަލް މެޑްލޭ އެވެ. މެރާލް އަށް ދެ ވަނަ ލިބުނީ 50 މީޓަރާއި 100 މީޓަރު ފްރީސްޓައިލް އިވެންޓުންނެވެ. އަދި ތިން ވަނަ ހޯދީ 50 މީޓަރު ބެކްސްޓްރޯކް އިވެންޓުންނެވެ.
ހުޅުމާލޭ މިނީ ސްޕޯޓްސް ކޮމްޕްލެކްސް ސްވިމިންޕޫލުގައި ކުރިއަށް ގެންދިޔަ މުބާރާތުގައި ޖުމްލަ 62 ފެތުންތެރިން ވަނީ ވާދަކޮށްފަ އެވެ. އެއީ ފިރިހެން 28 ފެތުންތެރިންނާއި އަންހެން 34 ފެތުންތެރިންނެވެ.
ޗެމްޕިއަން އޮފް ޗެމްޕިއަންސްއަކީ ސްވިމިން އެސޯސިއޭޝަނުން އިންތިޒާމް ކުރި މި ސީރީޒްގެ ތިން ވަނަ މުބާރާތެވެ.
