ބުރާސްފަތި ދުވަހުގެ ރޭގެ ބިގް ބޮސް އެޕިސޯޑުގައި ފަރާހް ހާން ވަނީ ޕްރިޔަންކާ އަށް ވަރަށް ބޮޑަށް ފާޑު ކިޔާފައެވެ.
އެގޮތުން ފަރާހް ބުނީ ޕްރިޔަންކާއަކީ އެއްވެސް ކަމެއްގައި ރަނަގަޅަށް އުޅެވޭ މީހެއް ނޫންކަމަށެވެ. އަދި އޭނާ 'ބިގް ބޮސް' އަށް އައީ އޭނާގެ ހަގީގަތް ފަޅާއަރަން ކަމަށެވެ.
ޕްރިޔަންކާ ޗަހަރު ޗައުދަރީ
ބިގް ބޮސްގެ މި ހަފްތާގެ އެޕިސޯޓުތައް ފަރާހް ހާން ހުށަހަޅަމުން ގެންދަނީ ޝޫޓިން އެއްގައި ސަލްމާން ހާން ބިޒީ ކޮށް އުޅޭތީއެވެ.
ފަރާހްގެ މި ކޮމެންޓުތަކަށް ގިނަބަޔަކު އަންނަނީ ފާޑުކިޔަމުންނެވެ. އެގޮތުން ޕްރިޔަންކާއަށް އެގޮތަށް ހުތުރުކޮށް ފާޑުކިޔުމުގެ ހައްގެއް ނޯންނާނެކަމަށް ފަރާގެ ސަޕޯޓަރުން ގެންދަނީ ބުނަމުންނެވެ.
ޕްރިޔަންކާ ޗަހަރު ޗައުދަރީ އަކީ އިންޑިއާގެ މޮޑެލް އެއް އަދި އެކްޓަރެކެވެ. އޭނާ އެންމެ ފުރަތަމަ ފެނުނީ ޕަންޖާބް ފިލްމު ތަކުންނެވެ. ނަމަވެސް ފަހުން އޭނާ ވަނީ ބައެއް ހިންދީ ފިލްމުތަކުން ވެސް ފެނިފައެވެ. އޭގެތެރޭގައި 'ޕެންޑިން ލަވް' އަދި 'ކޭންޑީ ޓުވިސްޓު' ފާހަގަކޮށްލެވެއެވެ.
