މިފަހުން ސިޔާސީ ކަންކަމުން ފެނިވަޑައި ނުގަންނަވާ ރައީސް ވަހީދު ރޭ ވަނީ އިއްޔެފެށި އިދިކޮޅު ޕީޕީއެމް - ޕީއެންސީގެ "ހޯޕް ކޮންފަރެންސް" ގައި ބައިވެރިވެވަޑައިގެންފައެވެ.
ކޮންފަރެންސްގައި ވާހަކަފުޅު ދައްކަވަމުން ރައީސް ވަހީދު ވިދާޅުވީ ސިޔާސީ މަސައްކަތުގައި އުޅުއްވަތާ ވަރަށް ގިނަ ޒަމާން ވެއްޖެކަމަށެވެ. އެހެން ކަމުން މިހާރު ސިޔާސީ ކަންކަމުގައި އުޅުން ކޮންމެހެން ލާޒިމް ނޫންކަމަށް ރައީސް ވަހީދު ވިދާޅުވިއެވެ.
ނަމަވެސް އަލުން ސިޔާސީ މަސައްކަތަށް ނިކުމެވަޑައިގަންނަވަން ޖެހިވަޑައިގަތީ ރާއްޖޭގެ ޑިމޮކްރަސީ އޮތް ހާލަތު ފެނުމުންކަމަށް ރައީސް ވަހީދު ވިދާޅުވިއެވެ. އަދި ރާއްޖޭގެ ޑިމޮކްރަސީ އޮތީ ވަރަށް ނާޒުކު ހާލަތެއްގައި ކަމަށާއި ޑޮމޮކްރަސީ ނެތިދުއުމަށް ދޫކޮށްލެވެން ނެތްކަމަށްވެސް ރައީސް ވަހީދު ވިދާޅުވިއެވެ.
ރާއްޖެއަށް ޑިކޮމްރަސީ ގެނެވުނީ ބުރަ މަސައްކަތުން އެތައް އަނިޔާއެއް ލިބިގެން ދިގު ދަތުރަކަށް ފަހުކަމަށާއި އެހެންކަމުން އެކަން ބީވެގެން ދާން ދޫކޮށް ނުލެވޭނެކަމަށް ރައީސް ވަހީދު ވިދާޅުވިއެވެ.
