ދެ އަހަރާ ބަަޔަށްފަހު އޮލިމްޕަސް ހުޅުވީ މިމަހުއެވެ. އެ ސިނަމާގައި އެންމެ ފުރަތަމަ އެޅުވީ ޑާކްރެއިން އެންޓަޓައިންމަންޓްގެ ފިލްމު 'ބީވީމާ' އެވެ. އެ ފިލްމު ބަލަން ދިޔަ ގިނަ މީހުން ބުނީ އެ ފިލްމުން އެމީހުން އާޝޯހުވެއްޖެކަމަށެވެ. ފިލްމު ރީތެވެފައި ފިލްމުގެ ތަރިންގެ އެކްޓިން ވެސް އެހާ މޮޅުކަމުންނެވެ.
މިގޮތުން މި ފިލްމުން އަލަށް ސްކްރީން ކުރިމަށްޗަށް ނުކުތް ތަރިއަކީ މަޝްހޫރު ލަވަކިޔުންތެރިއާ މަރިޔަމް އަޝްފާއެވެ. ބީވީމާ ބަލާލުމަށްފަހު ގިނަބަޔަކު ހީކުރި ގޮތަށް އަޝްފާ މޮޅީ ހަމައެކަނި ލަވަކިޔާކަށް ނޫނެވެ. އެކްޓު ކުރަން ވެސް އެހާ މޮޅެވެ.
އައްޒަގެ އިތުރުން ފިލްމީތަރި ޝީލާ ނަޖީބު ވެސް ވަނީ އަޝްފާގެ މޮޅުކަމަށާއި، ފިލްމީ ތަރިންގެ މޮޅުކަން ފާހަގަކޮށްފައެވެ.
ބީވީމާގެ މަންޒަރެއްގައި ކޮޕީ އިއްސެ އަޝްފާއާއެކު ކާރެއްގައި
ހޫދު އިބްރާހިމް (ހޫދު) ވެސް ބުނެފައިވަނީ އަޝްފާގެ އެކްޓިން އެހާ މޮޅުކަމަށެވެ.
ހޫދު ބުނީ އާންމުކޮށް ހުން ރޮމޭންޓިކް ދިވެހި ފިލްމުތަކާ ބީވީމާއާ ވަރަށް ތަފާތުކަމަށެވެ. ސަބަބަކީ ވާހަކައިގައި ވަރަށް ފުނަށް ގޮސްފައިވާތީއާއި ވާހަކަ ގެނެސްފައިވާލެސް ސާދާ ކަމުންނެވެ.
ބީވީމާގެ މަންޒަރެއްގައި އާޝާ އަދި ނާނަ…
ފިލްމީތަރި އަބްދުﷲ މުއާޒު (މުއާ) ވެސް ވަނީ އެކްޓަރުންގެ މޮޅުކަމަށް ތައުރީފުކޮށްފައެވެ.
މުއާ ވެސް ބުނީ ކޮޕީ އިއްސެއާ، އަޝްފާ އަދި އާޝާއަދި ނާނުގެ ހުނަރު އެހާ މޮޅުކަމަށެވެ.
މިމަހު 6 ވަނަ ދުވަހު ބީވީމާ ރިލީޒް ކޮށްފައިވާއިރު އަދި އެޅުވި ހުރިހާ ޝޯއެއްވެސް ވަނީ ހައުސްފުލްވެފައެެވެ. އަދި ފިލްމު އެޅުވުމުގެ ކުރިން ވެސް ފިލްމުގެ ޕްރިމިއާ ޝޯގެ ޓިކެޓުތައް ވަނީ ވިކި ހުސްވެފައެވެ.
