މިއަދު ރައްޔިތުންގެ މަޖިލީހުގައި އެންމެ ފުރަތަމަ ބަހުސްކުރަން މަޖިލީހުގެ ރައީސް މުހައްމަދު ނަޝީދު ކަނޑައެޅުއްވީ ހެންވޭރު އުތުރު ދާއިރާގެ މެންބަރު އިބްރާހިމް މުއިއްޒު ހުށަހަޅުއްވާފައިވާ ދައުލަތުގެ އޮފީސްތަކާއި އިދާރާތައް ހިނގުމަށާއި ގުދަންކުރުމުގެ ބޭނުމަށް ދައުލަތުން ތަންތަން ކުއްޔަށް ހިފުމަށް ގިނަ އަދަދެއްގެ ފައިސާ ހޭދަކުރަން ޖެހިފައިވާތީ މިކަމަށް އަވަސް ހައްލެއް ހޯދުމަށް ހުށަހަޅާފައިވާ ގަރާރަށެވެ.
އެ ގަރާރަށް ބަހުސް ކުރައްވަން އެންމެ ފުރަތަމަ އެދިވަޑައިގަތީ ވެސް މެންބަރު ސައީދެވެ. އޭނާ ވާހަކަ ފެއްޓެވީ ތިލަފުށިން 99 އަހަރަށް ބިން ކުއްޔަށް ދިނުމާ ގުޅޭގޮތުންނެވެ. އެ ބިމާގުޅޭގޮތުން ހައްދަވާފައިވާ ހިސާބުތަކާއި ގުޅޭގޮތުން ތަފްސީލީ ވާހަކަތަކެއް ދައްކަވަމުން ގެންދެވިއެވެ. އެ ވާހަކަތައް މެދު ކަނޑާލީ ހަނިމާދޫ ދާއިރާގެ މެންބަރު އަބްދުލް ގަފޫރު ނެންގެވި ނިޒާމީ ނުކުތާއަކުންނެެވެ.
މައުލޫ އޮޅުވާލައިގެން ސައީދު ވާހަކަ ދައްކަވާތީ ދެން ނިޒާމީ ނުކުތާއެއް ނެންގެވީ، މަކުނުދޫ ދާއިރާގެ މެންބަރު މުހައްމަދު ރާއީ އެވެ.
ރާއީ މިހެން ވިދާޅުވުމުން ސައީދު އަނެއްކާވެސް ވާހަކަ ދައްކަވަން ފައްޓަވަމުން އޭނާއަށް ހެދުނު ގޯސް ދިފާއުކުރައްވަން މަސައްކަތް ކުރެއްވިއެވެ. އެގޮތުން ސައީދު ވިދާޅުވީ "ބިން ވާނީ ބިމަށް" ކަމަށެވެ.
