އެވީޑިއޯ އާއްމުވެ އެތައްބައެއްގެ ފާޑުކިއުން ސަރުކާރަށާއި ފުލުހުންނަށް އަމާޒުވެފައި ވަނިކޮށް އަނެއްކާ އިއްޔެ ސޯޝަލް މީޑިއާއަށް މީހަކު ދޫކޮށްލީ މަގުމަތީގައި ހާމަކަން ބޮޑު ގޮތެއްގައި އެއްވެސް ބިރެއް ނެތި މަސްތުވާތަކެތީގެ ވިޔަފާރި ކުރާ މަންޒަރެވެ.
ސައިކަލެއްގެ މަތީގައި އިންނަ ޒުވާނެއްގެ ކައިރިއަށް އައިސް ފައިސާ ދިނުމަށްފަހު، ގަނެލައިގެން ނައްޓާލަނީވެސް އަދި ވިއްކަނީވެސް "މަސްތުވާތަކެތީގެ ވިޔަފާރިކުރަން ހުއްދަ ނަގައިގެން" އެކަންކުރާހާ ހާމަކަންބޮޑުކޮށް ހަމަޖެހިލައިގެންނެވެ.
ވީޑިއޯ އާއްމުވުމުން އަނެއްކާވެސް ސަރުކާރަށާއި ފުލުހުންނަށް އިތުރަށް ފާޑުކިއުން އަމާޒުވިއެވެ. ވީޑިއޯއަށް ކޮމެންޓްކުރި ބައެއް މީހުން ބުނެފައިވަނީ މާލޭގެ އެކި ސަރަހައްދުތަކުގައި މަސްތުވާތަކެތީގެ ވިޔަފާރި ފާޅުގައި ކުރުމަކީ މިހާރު އާއްމު ކަމަކަށް ވެފައިވާ ކަމަށެވެ.
މި ވީޑިއޯއަށް ކޮމެންޓްކުރި ބައެއް މީހުންވަނީ "އަވަށްޓެރި ފުލުހުން" ކޮބައިތޯ ސުވާލުވެސް ކޮށްފައެވެ.
