ކުޅުދުއްފުށީ އުތުރު ދާއިރާގެ މެންބަރު ޔާސިރު އަބްދުއްލަތީފް ކުރެއްވި ސުވާލަކަށް ޖަވާބު ދެއްވަމުން މިނިސްޓަރު އިމްރާން ވިދާޅުވީ، ވެހިކަލްތަކަށް އަޅާ ޕެޓްރޯލް ބިލްތައް ނުދެއްކިގެން ފުލުހުންގެ ހިދުމަތް މެދުކެނޑުނުކަމަށް ފެތުރޭ ވާހަކައަކީ ދެތެެއް ނޫންކަމަށެވެ.
އިއްޔެ ކުޅުދުއްފުށީގެ ހަބަރުތައް ގެނެސްދޭ "ކުޅުދުއްފުށި ކޮމް" ގައި ބުނެފައިވަނީ ކުޅުދުއްފުށީގައި ޕެޓްރޯލް ވިއްކާ "އެތުމާ" އަށް ފުލުހުން ދައްކަންޖެހޭ ފައިސާ ނުދައްކައިގެން އެ ކުންފުނިން ފުލުހުންނަށް ޕެޓްރޯލް ވިއްކުން ހުއްޓާލާފައިވާކަމަށެވެ. އޭގެ ސަބަބުން ކުޅުދުއްފުށި ޕެޓްރޯލްކުރުމަށް ފުލުހުންނަށް ދަތިތަކަކާ ދިމާވެފައިވާކަމަށް ވެސް އެ ނޫހުގައި ރިޕޯޓުކޮށްފައިވެއެވެ.
"އެތުމާ" އިން ފުލުހުންނަށް ޕެޓްރޯލް ވިއްކުން ހުއްޓާލިއިރު، 5 ލައްކަ ރުފިޔާއަށްވުރެ ގިނަ ރުފިޔާގެ ޕެޓްރޯލް ބިލް ފުލުހުން ނުދައްކާ ހުރިކަމަށް ވެސް ރިޕޯޓުތައް ބުނެއެވެ.
