މާފަންނު އުތުރު ދާއިރާގެ މެންބަރު އިމްތިޔާޒް ފަހުމީ ކުރެއްވި ސުވާލަކަށް ޖަވާބު ދެއްވަމުން މިނިސްޓަރު އިމްރާން ވިދާޅުވީ، ތަހުގީގުތަކެއްގެ ތެރެއިން ފާހަގަވި ކަންތައްތަކެއްގެ ސަބަބުން ނުހައްގު މުއްސަނދިކަމާއި ގުޅޭގޮތުން ތަހުގީގުތަކެއް ކުރަމުން ގެންދާކަމަށެވެ.
ނުހައްގު މުއްސަނދިކަން ހޯދައިގެން ދައުވާކުރަނީ ކޮން ގޭންގުތަކަކަށް ކަމެއް އަދި، އެމީހުން ހޯދާފައިވާ މުއްސަނދިކަމަކީ ކޮބައިކަމެއް މިިނިސްޓަރު ވިދާޅެއް ނުވެއެވެ.
އިންތި ވިދާޅުވީ ސަރުކާރުން ބޭއްވި ވިއަވަތި މަހާސިންތާގައި ދިވެހިރާއްޖޭގެ ކްރިމިނަލް ގޭންގުތައް އޮތީ ވަރަށް ނުރައްކާތެރި ހާލަތެއްގައި ކަމަށް ބުނެފައިވާކަމަށެވެ. އެގޮތުން އެމީހުން ނުހައްގު މުއްސަނދިކަން ހޯދަމުން ގެންދާކަމަށާއި، އޭގެ ތެރޭގައި އުޅަނދުފަހަރު މިލްކުކުރުމާއި، ބިން މިލްކުކުރުމާއި ގެސްޓުހައުސް ހިންގުން ފަދަ ކަންކަން ކުރަމުން ގެންދާކަމަށެވެ.
ނުހައްގު މުއްސަނިދކަން ޖިނާއީ ކުށަަކަށް ހަދާ މަޖިލީހުން ބިލެއް ފާސްކުރީ 2021 ވަނަ އަހަރުއެވެ.
