މިނިސްޓަރު ވިދާޅުވީ ނުރައްކަލުގެ ސަބަބުން އަންގާރަ ދުވަހުގެ ރޭ "ނުނިދޭ" ފަދަ ހާލަތަކަށް ދިޔަކަމަށެވެ.
މިނިސްޓަރު އިމްރާން އަބްދުﷲ
ހަރުކަށި ފިކުރުގެ ފަރާތުން ދިމާވި ނުރައްކަލުގެ ތަފްސީލެއް މިނިސްޓަރު ނުދެއްވައެވެ. ނަމަވެސް ވިދާޅުވީ ހަރުކަށި ފިކުރުގެ މީހުން ޖަލުގައި ވަކިން ބޭތިއްބުމަށްޓަކައި ހައިސެކިއުރިޓީ ވިންގެއް މާފުށީ ޖަލުގައި އެޅުމުގެ މަސައްކަތް ކުރައްވަމުން ގެންދަވާކަމަށެވެ.
މިނިސްޓަރު ވިދާޅުވީ ޓްރާންސްޕޭރަންސީ އާއި ހޯމް މިނިސްޓްރީ ގުޅިގެން ކުރިއަށް ގެންދިޔަ ސާވޭއިން ޖަލުން ނުރައްކާތެރި ކަންތައްތަކެއް ފާހަގަވެފައިވާކަމަށެވެ. އަދި އެ ސާވޭއާއި ގުޅިގެން އަޅަންޖެހޭ ފިޔަވަޅުތައް އޭޅުމުގެ މަސައްކަތް ކުރަމުން ގެންދާކަމަށެވެ.
މިނިސްޓަރު ވިދާޅުވީ މިއަހަރު ޖޫން - ޖުލައި ހިސާބުގަ ހަރުކަށި ފިކުރުގެ މީހުން ބޭތިއްބުމަށް ހަދަމުންދާ ހައިސެކިއުރިޓީ ވިންގުގެ މަސައްކަތް ނިންމާލެވޭނެކަމަށެވެ.
