ސައުދީ އަރަބިއްޔާ ގައި އަންނަ އަހަރުގެ ކްލަބް ވޯލްޑް ކަޕް ބާއްވަން ނިންމީ ރޭ ބޭއްވި ފީފާގެ ކައުންސިލް މީޓިންގަ އެވެ.
މިއީ ސައުދީ އަރަބިއްޔާގައި މި މުބާރާތް ބާއްވާ ފުރަތަމަ ފަހަރެވެ. ހަތް ޓީމާ އެކު ސައުދީގައި ކްލަބް ވޯލްޑް ކަޕް އޮންނާނީ ޑިސެމްބަރު 12 އިން 22 ގެ ނިޔަލަށެވެ.
ކްލަބު ވޯލްޑްކަޕް ޑިސެމްބަރު މަހު ސައުދީގައި ބާއްވަން ނިންމިއިރު، އެންމެ ފަހުގެ ކްލަބު ވޯލްޑްކަޕްގެ ފައިނަލުން ބަލިވީ ސައުދީގެ އަލްހިލާލްއެވެ. އަލް ހިލާލް ބަލިކޮށް ކްލަބް ވޯލްޑްކަޕް ކާމިޔާބުކުރީ ސްޕެއިންގެ ރެއާލް މެޑްރިޑެވެ.
އެންމެ ފަހުގެ ކްލަބު ވޯލްޑްކަޕްގެ ފައިނަލުން ބަލިވި އަލް ހިލާލް އަކީ 2021 ވަނަ އަހަރުގެ އޭޝިއާގެ އޭއެފްސީ ޗެމްޕިއަންސް ލީގު ކާމިޔާބު ކުރި ކްލަބެވެ. މިދިޔަ އަހަރު ފެށި އޭއެފްސީ ޗެމްޕިއަންސް ލީގު އަދި ނުނިމޭތީ، އޭއެފްސީ އިން މި އަހަރުގެ ކްލަބް ވޯލްޑް ކަޕަށް ފޮނުވީ ހިލާލް އެވެ.
ދެހާސް ވަނަ އަހަރު ބާއްވަން ފެށި ކްލަބް ވޯލްޑް ކަޕް މީގެ ކުރިން ފަސް ގައުމެއްގައި ބާއްވާފައި ވެއެވެ. ސައުދީ އަރަބިއްޔާ އަކީ މުބާރާތް ބާއްވާ ހަ ވަނަ ގައުމެވެ.
2030 ވަނަ އަހަރުގެ ވޯލްޑްކަޕަށް ސައުދީންވަނީ ބިޑް ކޮށްފައެވެ. މި ބިޑް ކާމިޔާބުކުރުމުގެ ގޮތުން ސައުދީން އަންނަނީ ފުޓްބޯޅައަށް ބޮޑު ހޭދައެއް ކޮށް، ދުނިޔޭގެ ސަމާލުކަން ހޯދުމަށް އެތައް މަސައްކަތެއް ކުރަމުންނެވެ.
