ތިލަފުށި ދެވަނަ ފިޔަވަހިން ސިނާއީ ބޭނުންތަކަށް ބީލަމުގެ އުސޫލުން ދިގު މުއްދަތަކަށް ބޭރު މީހުންނަށް ބިން ކުއްޔަށް ދޭން ހުޅުވާލުމާ ގުޅިގެން އެކަމުގެ ޝަކުވާތަކާ އެކު ރައީސް އާ ބައްދަލުކުރެއްވި ވިޔަފާރިވެރިންގެ ކަންބޮޑުވުމަކަށް ވެފައިވަނީ،
- ބޭރުގެ ފަރާތްތަކަށް 99 އަހަރަށް ތިލަފުށިން ބިން ދޫކުރުން
- އެ ގޮތަށް ބިން ދޫކުރާ ނަމަ ދިވެހި ވިޔަފާރިތަކަށް އޮތް ފުރުސަތު ވަރަށް ބޮޑަށް ހަނިވޭ
ތިލަފުށި ތަރައްގީ ކުރުމަށް ސަރުކާރުން އެކުލަވާލާފައިވާ މާސްޓާ ޕްލޭނުގައިވާ ގޮތުން އިތުރު 151 ހެކްޓަރުގެ ބިން ހިއްކާނެއެވެ. ޒަމާނުއްސުރެ ތިލަފުއްޓަކީ ކުނި މެނޭޖުކުރާ ރަށެއްގެ ގޮތުގައި އޮންނަ އޮތުން ބަދަލުކޮށް، ރާއްޖޭގެ 'ސިނާއީ މައި ހަބު' ގެ ގޮތުގައި ތިލަފުށި ތަރައްގީ ކުރުމުގެ ޕްލޭނެއް އެ ރަށް ބަލަހައްޓަމުން ގެންދާ އެޗްޑީސީގެ ފަރާތުން ވަނީ އެކުލަވާލާ އާންމުކޮށްފައެވެ.
ތިލަފުށި ދެވަނަ ފިޔަވަހިން ބިން ދޫކުރުމަށް ހާއްސަ ކުރާ ހަ ކަމެއް އެޗްޑީސީގެ ޕްލޭނުގައި ކަނޑައަޅާފައިވެއެވެ. އެއީ ވިޔަފާރި ބަނދަރަކާއި ޕަވާ ޕްލާންޓަކާއި ތެޔޮ ރައްކާ ކުރާ ސްޓޯރޭޖުތަކާއި ސިނާއީ މަސައްކަތްތަކަށް ދޫކުރާ ބިންތަކުގެ އިތުރުން އޮފީސް ހިންގުމަށް ދޫކުރާ ބިންތަކާ އަދި ރެކްރިއޭޝަނަށް ހާއްސަކޮށް ދޫކުރާ ބިންތަކެވެ.
