މިގޮތުން ލީކް ވެފައިވަނީ 2013 ވަނަ އަހަރު "ކުރިޝް 3" ކުޅެން އުޅެނިކޮށް ރިތިކް ދެއްކި ވާހަކަތަކެއްގެ ވީޑިއޯއެވެ.
އެ ވީޑިއޯގައި ރިތިކް ބުނަނީ އޭނާގެ ސުޕަހީރޯ ފިލްމު ކްރިޝް 3 "ބެލުމަށްފަހު ހޮލީވުޑުން ވެސް ފިލާވަޅެއް ދަސްކުރަންޖެހޭނެ" ކަމަށެވެ.
މި ވީޑިއޯ ލީކްވުމާއެކު އެތައް ބަޔަކު އަންނަނީ ރިތިކް އަށް ފާޑުކިޔައި މަލާމާތް ކުރަމުންނެވެ. ގިނަ ބަޔަކު ރިތިކް އަށް މަލާމާތް ކުރި ނަމަވެސް، ރިތިކްގެ ބައެއް ފޭނުން ބުނަނީ "ކްރިޝް 3" ނެރުނު ދުވަސްވަރު އެ ފިލްމަކީ "އެކްސް މޭން" ފަދަ މޮޅު ފިލްމެއްކަމަށް ގިނަބަޔަކު ބުނިކަމަށެވެ.
ފާޑިކިޔާ ގިނަ މީހުން ބުނަނީ ރިތިކް އަކީ ނެޕޮޓިޒަމް (އާއިލާ ބާރު) ބޭނުންކޮށްގެން މަޝްހޫރުވި މީހެއްކަމަށެވެ.
މި ވީޑިއޯއާއި ގުޅޭގޮތުން ރިތިކް އަދި ވަކިއެއްޗެއް ނުބުނެއެވެ.
ރިތިކް އަކީ އިންޑިއާގެ ނުފޫޒުގަދަ ފިލްމު ޕްރޮޑިއުސަރު، ޑައިރެކްޓަރު އަދި ސްކްރީން ރައިޓަރު ރާކޭޝް ރޯޝަންގެ ދަރިއެކެވެ.
