ސީރިއާގެ ރައްޔިތެއް ކަމަށްވާ މުހައްމަދު އަބްދުލް ހާދީ، އަލްޖަޒީރާއަށް މައުލޫމާތު ދެމުން ބުނީ ބިންހެލުން އައުމުގެ އެއް ދުވަސް ކުރިން އެނާގެ އަންހެނުން "މާދަމާ މަރުވެއްޖެ ނަމަ" ދަރިންނަށް ކާތަކެތި ތައްޔާރުކޮށް ހަދާނީ ކާކުތޯ؟ ސުވާލުކުރިކަމަށެވެ.
އަބްދުލް ހާދީ އާއި އޭނާގެ ފަސް ދަރިން ވަނީ ނުރައްކާތެރި ބިންހެލުމުން ސަލާމަތްވެފައެވެ. ނަމަވެސް އެނާގެ އަންހެނުންނާއެކު އެންމެ ހަގު ދެ އަންހެން ކުދިން ވަނީ މަރުވެފައެވެ. .
މުހައްމަދު އަބްދުލް ހާދީ އޭނާގެ ދަރިއަކާއެކު
ސީރިއާއި ތުރުކީއަށް މި ހިނގާ ފެބުރުއަރީ މަހުގެ 6 ވަނަ ދުވަހު އައި ބެންހެލުމުގައި މަރުވި މީހުންގެ އަދަދު މިހާރުވަނީ 41،000 އަށްވުރެ މައްޗަށް އަރާފައެވެ. އަދި މިއަދަދު އަދިވެސް އިތުރުވާނެކަމަށް މީހުން ސަލާމަތްކުރާ މީހުން ބުނެއެވެ. ސަބަބަކީ އަދިވެސް އެތައް ބަޔަކު ފުނޑުފުންޑުވެފައިވާ އިމާރާތްތަކުގެ ދަށުގައި ވާތީއެވެ. ނަމަވެސް އިމާރާތްތަކުގެ ދަށުން ދިިރިހުއްޓާ މީހަކު ސަލާމަތްކުރެވިދާނެކަމުގެ އުންމީދު މިހާރު ވަރަށް ކުޑަކަމަށް މީހުން ސަލާމަތްކުރާ މީހުން ބުނެއެވެ.
މި ބިންހެލުމަކީ ފާއިތުވީ 100 އަހަރު ދުވަހުގެ ތެރޭގައި ތުރުކީ އަދި ސީރިއާއަށް އައި އެންމެ ބާރުގަދަ ބިންހެލުމެވެ.
