މަޓީން ކުރުނބާ މޯލްޑިވްސްގައި ބޭއްވި އަހަރީ އާންމު ޖަލްސާގައި ޓޫރިޒަމް މިނިސްޓަރު ޑރ. އަބްދުﷲ މައުސޫމާއި ހެލްތް މިނިސްޓަރު އަހުމަދު ނަސީމާއި އެމްއެމްޕީއާރުސީގެ ސީއީއޯ އަދި އެމްޑީ ތޮއްޔިބު މުހައްމަދުގެ އިތުރުން ނޭޝަނަލް ބޯޓިންގް އެސޯސިއޭޝަން އޮފް މޯލްޑިވްސް (އެންބީއޭއެމް) އާއި މޯލްޑިވްސް ޓްރެވަލް އެޖެންޓްސް އެންޑް ޓުއަ އޮފަރޭޓާސް (މަޓާޓޯ) އަދި ނެޝަނަލް ހޮޓެލްސް އެންޑް ގެސްޓްހައުސް އެސޯސިއޭޝަން އޮފް މޯލްޑިވްސް (އެންއެޗްޖީއޭއެމް) ގެ އިސް ބޭފުޅުން ބައިވެރިވެ ވަޑައިގެންނެވިއެވެ. އެ ޖަލްސާގައި މަޓީގެ 96 މެންބަރުން ބައިވެރިވެފައިވެއެވެ.
މަޓީގެ ބައްދަލުވުމުގައި އެ ޖަމިއްޔާގެ ޗާޓަރަށް ގެނެވުނު ބަދަލަކާ އެކު، ހިންގާ ކޮމެޓީގެ މެންބަރުންގެ ދައުރު އެއް އަހަރުން ތިން އަހަރަށް އިތުރުކޮށް، އާ ދައުރަކަށް ކޮމިޓީއަށް މެންބަރުން ހޮވާފައިވެއެވެ. މަޓީގެ އާ ހިންގާ ކޮމެޓީއަށް ހޮވާފައިވަނީ މިދިޔަ ދައުރުގައިވެސް އެ ކޮމިޓީގައި ތިއްބެވި މެންބަރުންނެވެ.
މަޓީގެ އާ ހިންގާ ކޮމެޓީއަށް ހޮވާފައިވާ މެންބަރުން:
- ޗެއާމަން - މުހައްމަދު އުމަރު މަނިކު
- ވައިސް ޗެއާމަން - ހަސަން އަފީފު
- ވައިސް ޗެއާމަން - ސޮލާހު ޝިހާބު
- ސެކްރެޓަރީ ޖެނެރަލް - އަހުމަދު ނަޒީރު
- ފައިނޭންޝަލް ކޮންޓްރޯލަރު - އަހުމަދު ހަފީޒު
- ޑެޕިއުޓީ ސެކްރެޓަރީ ޖެނެރަލް - އަސަދު އަލީ
އެގްޒެކެޓިވް ބޯޑު މެންބަރުން:
- އަހުމަދު ސިޔާމް މުހައްމަދު
- އިބްރާހިމް ސިޔާދު ގާސިމް
- އިބްރާހީމް ނޫރައްދީން
- އިޔާޒު ވަހީދު
- ވިޝާ މާހިރު
- އިސްމާއީލް ސިޔާން ގާސިމް
- އައިޝަތު ނީނާ އަހުމަދު
- ޒުލައިހާ މަނިކު
- މަހުޖޫބް ޝުޖާއު
- ސަލިލް ޕަނިގްރާހި
- ރިވެރޯ ޑެލްގާޑޯ
މަޓީގެ 33 ވަނަ އަހަރީ އާންމު ޖަލްސާ - ފޮޓޯ:މަޓީ
މަޓީގެ އަހަރީ އާންމު ޖަލްސާގައި ރާއްޖޭގެ ފަތުރުވެރިކަމުގެ ސިނާއަތަށް 50 އަހަރު ފުރުމާ ގުޅިގެން އެ ޖަމިއްޔާއިން ނެރުނު ދެ ފޮތެއް އިފްތިތާހުކޮށްފައިވެއެވެ.
- ރާއްޖޭގެ ރިސޯޓުތަކުގެ ފަރުމާތައް ތަރައްގީވެ ބަދަލުވެގެން އައި ގޮތުގެ ވާހަކައަށް ބިނާކޮށް 'މޯލްޑިވިއަން ރިސޯޓް އާކިޓެކްޗާ: 50 އިއާޒް އޮފް އައިލެންޑް ރިސޯޓްސް' ގެ ނަމުގައި މައުރޫފް ޖަމީލް ލިޔުއްވާފައިވާ ފޮތް
- ރާއްޖޭގެ ފަތުރުވެރިކަމުގެ ސިނާއަތް ވޭތުވެދިޔަ 50 އަހަރުގެ ތެރޭގައި ތަރައްގީވެ ބަދަލުވެގެން އައި ގޮތުގެ ވާހަކައަށް ބިނާކޮށް '50 އިޔާޒް އޮފް ޓޫރިޒަމް: ދަ ޕައިނިއާޒް، ޕީޕަލް އެންޑް ޕޮލިސީސް ދެޓް ޝޭޕްޑް މޯލްޑިވްސް ޓޫރިޒަމް' ގެ ނަމުގައި ޑރ. ސިމާދު ސައީދު ލިޔުއްވާފައިވާ ފޮތް
