ކައުލްސިންގެ ރައީސް އަހުމަދު އަސްލަމް "ސީއެންއެމް" އަށް ވެފައިވަނީ ހަސަންފުޅު ހޯދުމަށް ރަށުގެ ފަޅުތެރެއާއި މޫދާއި ރަށުގެ ހުރިހާތަކަނާއި ކައިރި ރަށްތައްވެސް ބަލާފައިވާ ކަމަށެވެ.
އަސްލަމް ކުރިން ސީއެންއެމްއަށް ވިދާޅުވީ، ބެލިބެލުމުން ހަސަންފުޅު އާންމުކޮށް ގެންގުޅޭ ދުފާ ތަބަކާއި، ފޯނާއި ވޮލެޓްވެސް ގޭގައި އޮތްކަމަށެވެ.
ފުލުހުން އިއްޔެ ބުނީ ހަސަންފުޅު ހޯދުމަށް ރަށާއި ފަޅުތެރެ އަދި މޫދާއި ކައިރި ރަށްތައް ބެލުމަށްފަހު، ހަސަންފުޅު މާލެއަށް ދިޔަތޯ ބެލުމަށް، މާލެވެސް ބަލަމުން ގެންދާކަމަށެވެ. އެގޮތުން މާލޭގެ ސީސީޓީވީ ފްޓޭޖްތައްވެސް ބަލަމުން ގެންދާކަމަށާއި މީހުނާއި ސުވާލުކުރުމާއި ބަޔާންތައްވެސް ނަގަމުން ގެންދާކަމަށް ފުލުހުން ބުނެފައި ވެއެވެ.
އެގޮތުން މިހާތަނަށް 29 މީހެއްގެ ބަޔާން ނަގާފައިވާއިރު، 199 މީހުނާއި ސުވާލުކޮށް މައުލޫމަތު ހޯދާފައިވާކަމަށް ފުލުހުން ބުނެއެވެ. އަދި މަތިވެރިން ލިބެންހުރި ސީސީޓީވީ ފްޓޭޖްތައް ހޯދާ 157 ގަޑިއިރުގެ ފްޓޭޖް މިހާތަނަށް ދިރާސާކޮށްފައި ވާކަމަށް ފުލުހުން ބުނެއެވެ.
ނަމަވެސް ހަފަންފުޅަށް ވީގޮތެއް ދިޔަ ތަނެއް މިހާތަނަށް އަދި ދެނެގަނެވިފައެއް ނުވެއެވެ.
