ސެމީ ފައިނަލްގެ ފަހު މެޗުން ރާއްޖެ މެލޭޝިޔާ އަތުން ބަލިވީ ސީދާ ތިން ސެޓުންނެވެ. ސެޓުތައް ދިޔައީ 25-14، 25-18 އަދި 25-23 އިންނެވެ.

ފޯ ނޭޝަންސްގެ ފައިނަލް މެޗުތައް ކުޅޭނީ މިއަދުއެވެ. ފިރިހެން ޑިވިޝަންގެ ފައިނަލްގައި ވާދަކުރާނީ ރާއްޖެ ބަލިކޮށް ފައިނަލަށް ދިޔަ މެލޭޝިޔާއާ އަފްގާނިސްތާނު ބަލިކޮށް ފައިނަލަށް ދިޔަ ސިންގަޕޫރެވެ.

ފައިނަލުގެ ފުރަތަމަ ޖާގަ ސިންގަޕޫރުން ހޯދިއިރު، ސިންގަޕޫރަކީ ލީގު ބުރުގައި ކުޅުނު ތިން މެޗުން ވެސް ބަލިވި ޓީމެކެވެ. އަނެއްކޮޅުން، އަފްގާނިސްތާނަކީ ލީގު ބުރުގައި ކުޅުނު ތިން މެޗުންވެސް މޮޅުވި ޓީމެކެވެ.

ސެމީ ފައިނަލްގެ ފަހު މެޗުން މެލޭޝިޔާ އަތުން ރާއްޖެ ބަލިވިއިރު، ރާއްޖެއިން ކުޅުނު ފުރަތަމަ މެޗުގައިވެސް މެލޭޝިއާ އަތުން ވަނީ ބަލިވެފަ އެވެ.