ads
ޒިޔަދަމްގެ މަރުގެ ދައުވާލިބޭ ޝަނޫންނާއި ސިފާމް
ޒިޔަދަމް މަރާލި ޝަނޫން މަރަން ހުކުމްކޮށްފި
މަސްވަޅިއަކުން ހަމަލާދީ ލ. މުންޑޫ، ނޫވިލު، އަލީ ޒިޔަދަމް މަރާލިކަން ސާބިތުވެ ލ. މުންޑޫ ހީނާވިލާ މުހައްމަދު ޝަނޫން މަރަން ކްރިމިނަލް ކޯޓުން ހުކުމްކޮށްފިއެވެ.

މީގެ ހަތް އަހަރު ކުރިން، 20 މާޗް 2015 ވަނަ ދުވަހުގެ ރޭ މުންޑޫ ވަގުތީ ހިޔާގޭ ކައިރިން ހިނގާފައި ދަނިކޮށް ލ. މުންޑޫ، ނޫވިލު، އަލީ ޒިޔަދަމް މަރާލުމުގެ ކުށުގައި އެ ރަށު ހީނާވިލާ މުހައްމަދު ޝަނޫން މަރަން އަދި އެ ރަށު ބީޗްވިލާ އަލީ ސިފާމް އުމުރު ދުވަހަށް ޖަލަށް ލުމަށް ކްރިމިނަލް ކޯޓުން ހުކުމް ކުރީ މިއަދުއެވެ.

ކްރިމިނަލް ކޯޓުގެ ގާޒީ އިސްމާއީލް ޝަފީއު މިއަދު ހުކުމް ކުރެއްވީ، ޒިޔަދަމްގެ ވާރިސުންގެ ތެރެއިން މި ވަގުތު ދުނިޔޭގައި ތިބި ނުވަ ވާރިސުން ވެސް ގިސޯސް ހިފަން ބޭނުންވާ ކަމަށް ޝަރީއަތަށް ހެކިބަސް ދީފައިވާތީ ޝަނޫންގެ މައްޗަށް މަރުގެ އަދަބު ދިނުމަށެވެ.

ޒިޔަދަމްގެ ވާރިސުންގެ ތެރެއިން ދުނިޔޭގައި މި ވަގުތު ތިބި ނުވަ ވާރިސުން ވެސް މަރަށް މަރު ހިފަން ކުރިން ޝަރީއަތުގައި އެދިފައެވެ. ޒިޔަދަމްގެ މަންމަ މަރިޔަމް މޫސާ ދުނިޔޭގައި ހުރި އިރު ފުލުހުންނަށް ދީފައިވާ ބަޔާނުގައި ވަނީ އޭނާ ވެސް އެދެނީ މަރަށް މަރު ހިފަން ކަމަށް ބުނެފަ އެވެ. ޒިޔަދަމް މަރާލިއިރު އޭނާގެ މަންމަ ދުނިޔޭގައި ހުރި ނަމަވެސް މިހާރު ވަނީ ނިޔާވެފައެވެ.

ލ. މުންޑޫގައި 2015 ވަނަ އަހަރު މަރާލި އަލީ ޒިޔަދަމްގެ މަރުގެ މައްސަލައިގައި ދައުވާ އުފުލާފައިވާ ދެމީހުންގެ މައްޗަށް ކުށް ސާބިތުވާކަމަށް ކަނޑައެޅީ މިދިޔަ އަހަރުގެ ފަހުކޮޅުއެވެ. ޒިޔަދަމް މަރާލީ، 2015 ވަނަ އަހަރުގެ މާޗް 20 ވަނަ ދުވަހުގެ ރޭ 10:30 ހާއިރު، މުންޑޫ ވަގުތީހިޔާ ކައިރިން ހިނގި މާރާމާރީއަކަށްފަހު، ވަޅިން ހަމަލާދީ

މައްސަލައިގެ ތަފްސީލް

މިމައްސަލާގައި ދައުލަތުން ބުނެފައިވާގޮތުން، ޒިޔަދަމް އަށް ހަމަލާދިން ރޭ އެރަށު ވަގުތީހިޔާ ކައިރީގައި ޒިޔަދަމާއި އިތުރު މީހަކު މާރާމާރީ ހިންގަމުން ދަނިކޮށް ޝަނޫން އާއި، ސިފާމް އެތަނަށް ގޮސް، ކަތިވަޅިއަކުން ޒިޔަދަށް ހަމަލާދީފައި ވެއެވެ.  ހަމަލާދޭން ފެށުމުން ސަލާމަތްވާން ޒިޔަދަމް ވަގުތީހިޔާ ތެރެއަށް ވަނުމުންވެސް، އެދެމީހުން ޒިޔަދަމްގެ ފަހަތުން ގޮސް ވަޅިން ހަމަލާދީފައިވާ ކަމަށް ދައުލަތުން ބުނެ އެވެ.

މީގެ އިތުރުން، ޒިޔަދަމްގެ ހަށިގަނޑު ހިފައިގެން ހޮސްޕިޓަލަށް ބަޔަކު ދަނިކޮށް ދައުވާ ލިބޭ ޝަނޫން  އޭގެ ތެރެއިން މީހަކަށް ހަމަލާދީ، ހޮސްޕިޓަލް ކައިރީގައި ހުރި މީހަކަށް ބިރު ދެއްކި ކަމުގެ ތުހުމަތުވެސް ދައުލަތުން ކުރެ އެވެ.  ޒިޔަދަމްގެ ކަރަށާއި ބުރަކަށްޓަށް އަދި ފަލަމަސްގަނޑަށް ހަމަލާދީފައިވަނީ މަސްކަނޑާ ވަޅިއަކުން ކަމަށް ދައުލަތުން ބުނެފައިވެއެވެ.

68%
ކަމުގޮސްފި
7%
އަޑުއެހިތާ މިހުރީ
6%
ސަތޭކައަކުން ސުމެއް
19%
ވަރަށް ސަލާމް
ކޮމެންޓްސް