މިދިޔަ ސީޒަނަށް ފަހު މެންޗެސްޓަރ ޔުނައިޓެޑުން އިޓަލީގެ ޔުވެންޓަސްއަށް ބަދަލުވި ޕޮގްބާ އެންމެ ފަހުން ވާދަވެރި މެޗެއް ކުޅުނީ މިދިޔަ އަހަރުގެ އޭޕްރީލް މަހުއެވެ. އޭގެ ފަހުން ރޭ އިޓަލީ ލީގުގައި ބަދަލު ކުޅުންތެރިއެއްގެ ގޮތުގައި ކުޅެން ނުކުތުމާ ހަމައަށް އޭނާ ވާދަވެރި މެޗެއްގައި ނުކުޅެއެވެ.
އިޓާލިއަން ލީގުގައި ރޭ ޔުވެންޓަސް އަމިއްލަ ދަނޑުގައި 4-2 އިން ޓޮރީނޯ ބަލިކުރި މެޗުގައި ޕޮގްބާ، ކުޅެން ނުކުތީ 69 ވަނަ މިނިޓުގަ އެވެ. އޭރު ދެ ޓީމު ވަނީ 2-2 އިން އެއްވަރު ވެފަ އެވެ.
އަހަރެއްހާ ދުވަހު ކުޅުމާ ދުރުގައި ހުރުމަށް ފަހު ކުޅުނު މެޗަކީ މެޗަކީ 2015/2016 ސީޒަނަށް ފަހު ޕޮގްބާ ޔުވެންޓަސް އަށް ކުޅެދިން ވާދަވެރި ފުރަތަމަ މެޗެވެ.
2015/2016 ސީޒަނަށް ފަހު ޕޮގްބާ ބަދަލުވީ ޔުނައިޓެޑަށެވެ. އޭގެ ފަހުން އަނެއްކާ އެނބުރި ޔުވެންޓަސްއަށް ބަދަލުވީއެވެ. ޔުވެންޓަސް އަށް ބަދަލުވެ، އޭނާ ވަނި ޕްރީ ސީޒަން ތެރޭގައި އަނިޔާ ވެގެން ކަކުލުގެ އޮޕަރޭޝަނެއް ކޮށްފަ އެވެ. އޭގެ ފަހުން ރެއާ ހަމައަށް ހުރީ އަނިޔާއަށް ފަރުވާ ހޯދުމުގެ ޕްރޮސެސްގެ ތެރޭގައެވެ.
