މި ދެ މަޝްރޫއު އެމްޓީސީސީ އާ ހަވާލުކުރުމަށް ޕްލޭނިން މިނިސްޓްރީގައި ބޭއްވި ރަސްމިއްޔާތުގައި އެމްޓީސީސީގެ ފަރާތުން ސޮއިކުރެއްވީ އެ ކުންފުނީގެ ޗީފް އޮޕަރޭޓިން އޮފިސަ ޝާހިދު ހުސައިން މޫސާއެވެ. ޕްލޭނިން މިނިސްޓްރީގެ ފަރާތުން ސޮއިކުރެއްވީ ޕާމަނަންޓް ސެކްރެޓަރީ ޒީނިޔާ އަހުމަދު ހަމީދެވެ.

ބ. މާޅޮސް ބަނދަރު މަރާމާތުކުރުމާއި ގޮނޑުދޮށް ހިމާޔަތްކުރުމުގެ މަޝްރޫއުގެ ދަށުން ކުރުމަށް ހަމަޖެހިފައިވާ މައިގަނޑު މަސައްކަތްތަކަކީ:

• ރަށުގެ އިރުމަތި ފަރާތުގައި 50 މީޓަރުގެ ހަތަރު ގްރޮއިން
• އުތުރު ފަރާތުގައި 76 މީޓަަރުގެ ގްރޮއިން
• 240 މީޓަރުގެ ބޮޑުހިލަ ރިވެޓްމެންޓް
• ހުޅަނގު ފަރާތުގައި 290 މީޓަރުގެ ބޮޑުހިލަ ބޭރުތޮށި
• 25 މީޓަރުގެ ރިވެޓްމެންޓް 100 މީޓަރު ކޮންކްރީޓް ޖެޓީ އާއެކު
• ޖުމްލަ 296 މީޓަރަށް މިހާރުގެ ހާބަރު ތޮށި ބޮޑުކުރުމާއި މަރާމާތުކުރުން
• ދެކުނު ފަރާތުގައި 50 މީޓަރުގެ ގްރޮއިން
• 40 މީޓަރުގެ ބޭރުތޮށި ގާއިމުކުރުން

ޕްލޭނިން މިނިސްޓްރީގެ ފަރާތުން މި މަސައްކަތް އެމްޓީސީސީ އާ ހަވާލުކޮށްފައިވަނީ 75.03 މިލިއަން ރުފިޔާއަށް 450 ދުވަހުގެ ތެރޭގައި މަސައްކަތް ނިންމާ ހަވާލުކުރާ ގޮތަށެވެ.

ށ. މާއުނގޫދޫ ގޮނޑުދޮށް ހިމާޔަތްކުރުމުގެ މަޝްރޫއުގެ ދަށުން ކުރުމަށް ހަމަޖެހިފައިވާ މައިގަނޑު މަސައްކަތަކީ:

• 450.00 މީޓަރު ރިވެޓްމެންޓް ޖެހުން

ޕްލޭނިން މިނިސްޓްރީގެ ފަރާތުން މި މަސައްކަތް އެމްޓީސީސީ އާ ހަވާލުކޮށްފައިވަނީ 16.13 މިލިއަން ރުފިޔާއަށް 120 ދުވަހުގެ ތެރޭގައި މަސައްކަތް ނިންމާ ހަވާލުކުރާ ގޮތަށެވެ.