ޖަރުމަންގެ ލެވަކޫސަންގައި އޮތް 41 ވަނަ ރޯޑް ރަންގައި ވާދަކޮށް ޝަމްހާ ފަސް ކިލޯމީޓަރުގެ ރޭސް ނިންމީ 19 މިނެޓާއި 15 ސިކުންތުންނެވެ. މީގެ ކުރިން ދިވެހި އަންހެން ދުވުންތެރިޔަކަށް ފަސްކިލޯ މީޓަރުގެ ރޭސް 20 މިނެޓަށް ވުރެ އަވަހަށް ނިންމިފައެއް ނުވެ އެވެ.

އުމުރުން 40 އަހަރުގެ ޝަމްހާ ގައުމީ ރެކޯޑް އާކުރިރިއިރު، ފަސް ކިލޯމީޓަރިގެ ރެކޯޑް ކުރިން ވެސް އޮތީ ޝަމްހާ އަތުގަ އެވެ. ޖަރުމަންގައި މިދިޔަ އަހަރު ބޭއްވި ރޭސް ޝަމްހާ ނިންމީ 20 މިނެޓާއި 8 ސިކުންތުންނެވެ.

ޝަމްހާވަނީ މިދިޔަ ޖަނަވަރީ މަހު ބަންގްލަދޭޝްގައި އޮތް ބަންގުބަންދު މެރަތަންގެ، ހާފް މެރަތަން ކެޓަގަރީގައި ވާދަކޮށް ހާފް މެރަތަންގެ ގައުމީވެސް އާކޮށްފައެވެ. މިދިޔަ ސެޕްޓެމްބަރު މަހު ނޯވޭގެ އޮސްލޯ މެރަތަންގައި ވާދަކޮށް ޝަމްހާ ހެދި ރެކޯޑް ޖަނަވަރީ މަހުެ ޑާކާގައި އޭނާ މުގުރާލީ 1 ގަޑިރާއި 26 މިނެޓާއި 41 ސިކުތުން ހާފް މެރެތަން ނިންމައިގެނެވެ. އޮސްލޯގައި ހާފް މެރަތަން ޝަމްހާ ނިންމީ 1 ގަޑި 27 މިނެޓާއި 51 ސިކުންތުންނެވެ.