ހަބަރު /
ދަރުމަވަންތަ ހޮސްޕިޓަލް
އައިޖީއެމްއެޗްގެ ލެބޯރެޓަރީގެ ހިދުމަތް ހުއްޓިފައި
ސީއެންއެމް ނިއުސް ޓީމް
09 މާރޗް 2023 - 09:36:13
ދަރުމަވަންތަ ހޮސްޕިޓަލުގެ ފެނުގެ ނިޒާމަށް ދިމާވި މައްސަލައަކާއި ގުޅިގެން ލެބޯރެޓަރީގެ ހިދުމަތް ހުއްޓިފައިވާކަމަށް އިންދިރާގާންދީ މެމޯރިއަލް ހޮސްޕިޓަލުން ބުނެފިއެވެ.
Advertisement
"ދަރުމަވަންތަ ހޮސްޕިޓަލްގެ ފެނުގެ ސިސްޓަމަށް ދިމާވި މައްސަލައަކާއި ގުޅިގެން، ލެބޯޓަރީގެ ޙިދުމަތް ވަގުތީ ގޮތުން ވަނީ ހުއްޓާލެވިފައިއެވެ. މިކަން ހައްލުކުރެވުނުހާ އަވަހަކަށް އިއުލާނު ކުރާނެވާހަކަ ދެންނެވީމެވެ. މިކަމުން ދިމާވެދާނެ ދަތިތަކަށް ނިހާޔަތަށް މަޢާފަށް އެދެމެވެ"
އެހޮސްޕިޓަލުން މިހެން ބުނީ މިއަދު ކުރި ޓްވިޓެއްގައެވެ. އައިޖީއެމްއެޗުން ބުނީ މައްސަލަ ހައްލުކުރުމަށް މަސައްކަތް ކުރަމުންދާ ކަމަށައި މައްސަލަ ހައްލުވިހާ އަވަހަކަށް ހިދުމަތް ދޭން ފެށޭނެ ކަމަށެވެ.
އައިޖީއެމް ހޮސްޕިޓަލަކީ ރާއްޖެގައި އެއް ހޮސްޕިޓަލަކުން އެންމެ ގިނަ މީހުން ހިދުމަތް ހޯދާ ހޮސްޕިޓަލެވެ. ކޮންމެ ދުވަހަކުވެސް އެތައް ސަތޭކަ ބަޔަކު އެ ހޮސްޕިޓަލުން ހިދުމަތް ހޯދާއިރު، ގިނަ ބަޔަކަށް ލެބޯރެޓަރީގެ ހިދުމަތް ވެސް ހޯދަން ޖެހެއެވެ.
މީގެއިތުރުން އެހެން ހޮސްޕިޓަލްތަކާއި ކުލިނިކްތަކަށް ދައްކާ ވަރަށް ގިނަ ބަޔަކުވެސް ލެބް ޓެސްޓްތައް ހެދުމަށް އައިޖީއެމްއެޗަށް ދާކަން ފާހަގަ ކުރެވެއެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
