ކޮންމެ ދުވަހެއްގެ ހަވީރު 4:00 އިން ފެށިގެން ރޭގަނޑު 12:00 އަށް އެކްސްޕޯ ކުރިއަށްދާއިރު، އަންނައުނާއި ހިފާ ގެންގުޅޭ ސާމާނާއި، ޒީނަތްތެރިވުމަށް ބޭނުންކުރާ ސާމާނާއި ރޯދަ މަހަށް ހާއްސަކޮށް ތަކެތި ވިއްކާ ސްޓޯލްތައްވެސް އެކްސްޕޯހައި މިފަހަރު ވަނީ ހުޅުވާފައެވެ.
މީގެއިތުރުން ކެއިން ބުއިމަށް ބޭނުންކުވާ އެތައް ސާމާނަކާއި ކުޑަކުދިން ކުޅޭ ތަކެއްޗާއި، ފޮތާއި ސާފުކުރަން ބޭނުންވާ ގިނަ ތަކެތިވެސް އެކްސްޕޯއިން ލިބެން އެބަހުއްޓެވެ.
ރޯދައާއި ދިމާކޮށް އަގުހެޔޮކޮށް ތަނެތި ގަތުމަށް ކޮންމެ ދުވަހަކުވެސް އެތައް ސަތޭކަ ބަޔަކު ދަނީ އެކްސްޕޯއަށް ޒިޔާރަތް ކުރަމުންނެވެ.
ނައިޓް މާކެޓް ސްޓޯލެއްގައި ވިއްކަން ބަހައްޓާފައިހުރި މުދާތަކެއް
ރޭ އެކްސްޕޯގެ ބައެއް ސްޓޯލްތަކުން ވާހަކަދެއްކި މީހުން ބުނިގޮތުގައި މިފަހަރުގެ އެކްސްޕޯއަށް ބޮޑު ތަރުހީބެއް ދަނީ ލިބެމުންނެވެ. އަދި ކޮންމެ ދުވަހަކުވެސް އެކަށީގެންވާ އާމްދަނީއެއް ލިބޭކަމަށާއި ކަސްޓަމަރުންނަށް ބޭނުންވާނެ ހުރިހާ މުދަލެއް ކަހަލަގޮތަކަށް އެކްސްޕޯއިން ލިބޭނެކަމަށް ބައެއް ސްޓޯލްތަކުން ވާހަކަދެއްކި މީހުން ބުނެއެވެ.
ދަރުބާރުގޭ އެކްސްޕޯ ކުރިއަށްދާނީ މިމަހުގެ 17 ވަނަ ދުވަހުގެ ނިޔަލަށެވެ.
