މިއީ ދޫކުރެވިފައިވާ ލޯންތަކަށް ބަލާއިރު %36 އެވެ. މިއީ ޖުމްލަ ދޫކުރެވިފައިވާ ލޯންތަކަށް ބަލާއިރު ނިސްބަތުން ބޮޑު އަދަދެއްކަން ފާހަގަކޮށްލެވެއެވެ. އަދި މިކަމުން ދައްކައިދެނީ، އިގްތިސާދީ އެހެނިހެން ދާއިރާތަކަށް ދިވެހި ވިޔަފާރިވެރިންގެ ޝައުގު ކުޑަވެފެއިވާ މިންވަރުކަމަށް، ދިވެހި އިގްތިސާދު ދިރާސާ ކުރައްވާ ފަރާތްތަކުން ދެކެއެވެ.

ދަނޑުވެރިކަމުގެ ދާއިރާ ކުރިއަރުވައި ދަނޑުވެރިންނަކީ އިގްތިސާދުގެ މުހިއްމު ބައިވެރިއެއްކަމަށް ހެދުމަށް ސަރުކާރުން ވައުދުވެފައިވީނަމަވެސް، ދަނޑުވެރިކަން ކުރިއަރުވަން މާ ގިނަ މަސައްކަތްތަކެއް ނުކުރެވޭކަމަށްވެސް ސީއެންއެމް އާއި ވާހަކަދެއްކެވި ބޭފުޅާ ފާހަގަކުރެއްވިއެވެ. 

އަދި މީގެ އިތުރުން، މަސްވެރިކަމަށް ނިކުންނަން، ނުވަތަ މަސްވެރިކަމަށް އަލަށް އިންވެސްޓްކުރަން ދިވެހި ވިޔަފާރިވެރިން މިހާރު ޖެހިލިންވާކަމަށާއި، އެއީ މަސްވެރިކަމުގައި ޙަރަކާތްތެރިވާ ގިނަ އުޅަނދުތައް ގެއްލުމުގައި ދުއްވާ، އަދި މަސްވެރިކަމަށް ދޫކޮށްފައިވާ ލޯންތައް ނުދެއްކޭ ފަދަ ޙާލަތްތަކަށްގޮސް، ބޭންކް ތަކުން އެދޯނިތައް ނަގާ ހިސާބަށްދާތީ ކަމަށްވެސް އެބޭފުޅާ ފާހަގަކުރެއްވިއެވެ.

އެމްއެމްއޭ އިން ފާހަގަކޮށްފައިވާ ތަފާސްހިސާބުތަކަށް ބަލާއިރު، ދެވަނައަށް އެއްމެ ގިނަ އަދަދަކަށް ލޯން ދޫކުރެވިފައިވަނީ އިމާރާތްކުރުމުގެ ދާއިރާއަށްކަން ފާހަގަކޮށްލެވެއެވެ. އިމާރާތްކުރުމުގެ ދާއިރާއަށް 6.9 ބިލިއަން ރުފިޔާގެ ލޯން ދޫކުރެފައިވާކަމަށް ދައްކާއިރު، މަސްވެރިކަމަށް 496 މިލިއަން ރުފިޔާ އަދި ތަކެތި އުފެއްދުން ނުވަތަ މެނުފެކްޗަރިންގ އަށް 199 މިލިއަން ރުފިޔާގެ ލޯން ދޫކުރެވިފައިވެއެވެ. 

މީގެއިތުރުން އަމިއްލަ ނުވަތަ ޕާސަނަލް ލޯންގެ ގޮތުގައި 4.7 ބިލިއަން ރުފިޔާގެ ލޯން ދޫކުރެވިފައިވާ ކަމަށްވެސް އެމްއެމްއޭގެ ތަފާސް ހިސާބުތަކުން ދައްކައެވެ.