ކުރީގެ ދެ މަފިރިން އެކުގައި މަގުމައްޗަށް ނުކުތީ މިއަދަކީ ކަރިޝްމާ އާއި ސަންޖޭގެ ދަރިފުޅު ކިއާން ރާޖް ކަޕޫރުގެ އުފަންދުވަސް ކަމުންނެވެ.
އެމީހުންގެ އާއިލާއިން ވަނީ މެންދުރުގެ ކެއުމެއްގައި ބައިވެރިވެ ދަރިފުޅުގެ އުފަންދުވަސް ފާހަގަކޮށްފައެވެ.
މީސްމީޑިއާގައި މި ވީޑިއޯ މިހާރު ދައުރުވަމުން އަންނައިރު، މި ވީޑިއޯއިން ކަރިޝްމާ ފެނިފައިވަނީ އޭނާގެ ދަރިފުޅާއެކުގައެވެ. މި ދުވަސްވަރު އޭނަ ފެނިގެން ދިޔައީ ކެޝުއަލް ލޫކެއްގައެވެ.
ކަރިޝްމާގެ ކުރީގެ ފިރިމާހާއެކު އޭނާގެ މިހާރުގެ އަންހެނުން ޕްރިޔާ އާއި އޭނާގެ ދަރިފުޅު އަޒަރިޔާސް ކަޕޫރު ވެސްވަނީ އެ ކެއުމުގައި ބައިވެރިވެފައެވެ.
ކަރިޝްމާ ކަޕޫރު ސަންޖޭ ކަޕޫރާ ކައިވެނި ކުރީ 2003 ވަނަ އަހަރުއެވެ. ދެމީހުން ވަރިވީ 2016 ވަނަ އަހަރުއެވެ. އެއަށްފަހު ސަންޖޭ ކައިވެނި ކުރީ 2017 ވަނަ އަހަރު ޕްރިޔާ ސަޗްދޭވް އާއެވެ. އެދެމަފިރިންނަށް ލިބިފައިވަނީ އަޒަރިއާސް ކިޔާ ފިރިހެން ދަރިއެކެވެ.
