ރަންބީރު އަދި އާލިއާ ބަޓް
އާލިއާ ބަޓް އަކީ ފާހާނާ ވަރަށް މުޑުދާރުކުރާ މީހެއް: ރަންބީރު
އައިޝަތު ނޫރާ
12 މާރޗް 2023 - 21:09:07
ބޮލީވުޑުގެ މަޝްހޫރު ތަރި އާލިއާ ބަޓް ފާހާނައިން ނުކުންނައިރު ފާހާނާތެރެ ވަރަށް މުޑުދާރުކުރާކަމަށް އޭނާގެ ފިރިމީހާ ރަންބީރު ކަޕޫރު މިއަދު ބުނެފިއެވެ.
ރަންބީރު މިހެން ބުނީ އޭނާގެ އެންމެ ފަހުގެ ފިލްމު "ތޫ ޖޫތީ މައިން މައްކާރު" ޕްރޮމޯޓް ކުރުމަށް ބޭއްވި ޝޯއެއްގައި "ބޮލީވުޑް ބަބުލް" ގެ ފަރާތުން ކުރި ސުވާލަކަށް ޖަވާބު ދެމުންނެވެ.
ފާހާނައިން ނުކުންނައިރު އާއިލާ އެތަން މުޑުދާރު ކުރާވާހަކަ ރަންބީރު ދެއްކީ "އާލިއާގެ ފަރާތުން ތަހަންމަލްކުރަން އެންމެ އުނދަގުލީ ކޮންކަމާތޯ؟" ސުވާލުކުރުމުންނެވެ.
"އަހަރެން އާލިއާގެ އެންމެ ތަހައްމަލްކުރާ ކަމަކީ ފާހާނައިން ނުކުންނައިރު ތުވާލި އޮވެދާނެ އެއްލާލާފަ. މޭކަޕް ރިމޫވްކުރާ އެއްޗެހިވެސް ހުރެދާނެ އުކާލާފަ. އަހަރެން މީ އޯސީޑީ ހުންނަމީހެއް. އާލިއާ ފާހާނައިން ނުކުންނައިރު އަހަރެންނަށް ފެންނަނީ މުޅިތަން މުޑުދާރުވެފަ އޮންނަތަން،" ރަންބީރު ބުންޏެވެ.
ރަންބީރުގެ މި ކޮމެންޓާއެކު އާލިއާ ބަޓްގެ ފޭނުން ގެންދަނީ "ފްރީއާލިއާ" (އާލިއާ މިނިވަންކުރޭ) ނަމުގައި ހޭޝްޓެގެއް ހަދައި ރަންބީރުއަށް އެއްޗެހި ކިޔަމުންނެވެ.
މިގޮތުން ފާޑުކިޔާ މީހުން ބުނަނީ އާލިއާ ބަޓްގެ އެންމެ އިދިކޮޅު މީހަކީ ރަންބީރު ކަޕޫރު ކަމަށެވެ.
42%
ކަމުގޮސްފި
27%
އަޑުއެހިތާ މިހުރީ
15%
ސަތޭކައަކުން ސުމެއް
15%
ވަރަށް ސަލާމް
ކޮމެންޓްސް
