މިއީ މިއަހަރުގެ ޖެނުއަރީ މަހާ އަޅާބަލާއިރު، 15،615 ބަސްތާ މަދު އަދަދެކެވެ. މި އަހަރުގެ ފުރަތަމަ މަހު އެ ކުންފުނިން ވަނީ 89،909 ބަސްތާގެ ކާޑު މާލެ ސަރަހައްދާއި އެ ކުންފުނީގެ ނުވަ ރީޖަނަލް ފިހާރައިގެ އިތުރުން 578 ކާޑު އެޖެންޓުން މެދުވެރިކޮށް ފޯރުކޮށްދީފައެވެ.
ރާއްޖޭގެ އެކި ހިސާބުތަކަށް ކާޑުގެ ބާވަތްތައް ފޯރުކޮށްދިނުމަށް އެސްޓީއޯއިން ދަނީ ގިނަ މަސައްކަތްތަކެއް ކުރަމުންނެވެ.
އެގޮތުން ކުރެވެމުންދާ މަސައްކަތްތަކުގެ ތެރެއިން ނިމިދިޔަ މަހު ރާއްޖޭގެ އެކި ސަރަހައްދުތަކަށް ކާޑުގެ ބާވަތްތައް ފޮނުވާފައިވާ ގޮތުގެ ތަފާސް ހިސާބުތައް އެސްޓީއޯއިން ވަނީ އާންމުކޮށްފައެވެ.
ފެބްރުއަރީ މަހުގެ ތެރޭގައި އެސްޓީއޯއިން ވިއްކާފައިވާ ކާޑުގެ ބާވަތްތައް:
- ހަނޑޫ - 35,057 ބަސްތާ
- ހަކުރު - 12,901 ބަސްތާ
- ގޮދަން ފުށް - 26,336 ބަސްތާ
އެސްޓީއޯއިން ބުނެފައިވާ ގޮތުގައި ވޭތުވެދިޔަ މަހު މާލެ ސަރަހައްދުން 1،452 ފަރާތަކަށް 19،569 ބަސްތާ ހަނޑުލާއި 7،263 ބަސްތާގެ ހަކުރު އަދި 14،352 ބަސްތާގެ ފުށް ފޯރުކޮށްދީފައިވާ ކަމުގައެވެ.
ނިމިދިޔަ މަހު އެ ކުންފުނީގެ ހަތަރު ރީޖަނަލް އެޖެންޓުން މެދުވެރިކޮށް 720 ބަސްތާ ހަނޑުލާއި 380 ބަސްތާ ހަކުރުގެ އިތުރުން 700 ބަސްތާ ފުށް ފޮނުވާފައިވާ ކަމަށް އެސްޓީއޯގެ ތަފާސް ހިސާބުތަކުން ދައްކައެވެ.
އަތޮޅުތެރެއަށް ބޭނުންވާ ކާޑުގެ ބާވަތްތައް އެސްޓީއޯއިން ފޯރުކޮށްދެމުން ދަނީ އެ ކުންފުނީގެ ކާޑު އެޖެންޓުން މެދުވެރިކޮށެވެ. އެގޮތުން ފެބްރުއަރީ މަހު އެ ކުންފުނީގެ ކާޑު އެޖެންޓުންގެ ގޮތުގައި ތިބި 525 ފަރާތެއް މެދުވެރިކޮށް ރަށްތަކަށް 14،768 ބަސްތާ ހަނޑޫ، 5،258 ބަސްތާ ހަކުރު އަދި 11،284 ބަސްތާގެ ފުށް ފޮނުވާފައިވެއެވެ.
