Share
ބުދަ ދުވަހު ހިނގި މި ހާދިސާގައި އަންހެން މީހާގެ ކަންފަތް އުފުރާލުމުގެ އިތުރުން އޭމީހާގެ އިސްތަށިގަނޑުން ތަންގަނޑެއްވެސް ރާމާ މަކުނު ވަނީ އުފުރާލާފައެވެ.
އެ ރާމާމަކުނަކީ އަންހެން މީހާގެ އަވަށްޓެރިއެއް އޮޅުކޮށްގެން ގެންގުޅުނު މަކުނެކެވެ. ނަމަވެސް އެ މަކުނު ވަނީ މީގެ ދުވަސްކޮޅެއް ކުރިން ފިލާފައެވެ.
ރާމާމަކުނު އަންހެން މީހާއަށް ހަމަލާ ދޭން އެންމެ ފުރަތަމަ މަސައްކަތް ކޮށްފައިވަނީ އޭނާ ދިރިއުޅޭ ގޭގެ ދޮރު ވެސް ހަލާކުކޮށްލައިގެންނެވެ.
ރާމާމަކުނެއް އައިސް ގެއަށް ގެއްލުން ދޭތީ ޕާކާ ކިޔާ އެ އަންހެންމީހާ ވަނީ ފުލުހުންނަށް ގުޅާފައެވެ. އަދި މަކުނު އަންހެން މީހާއަށް ހަމަލާ ދިނީ ފުލުހުން އައުމުން އެމީހުންނާ ވާހަކަދައްކަން ގެއިން ނުކުތް ވަގުތުއެވެ.
މަކުނު މައިތިރި ނުވުމުގެ ސަބަބުން ފުލުހުން މިހާރު ވަނީ މަކުނަށް ބަޑިޖަހައި މަރާލާފައެވެ. އަދި އޮކްލަހޯމާ ފުލުހުން ނެރުނު ބަޔާނެއްގައި ބުނެފައިވަނީ މަކުނު މަރާލީ ރައްޔިތުންގެ ރައްކާތެރިކަމަށްޓަކައި ކަމަށެވެ.
