މިއުވާން މިހެން ވިދާޅުވީ، އަންނަ ރިޔާސީ އިންތިހާބުގައި ޖުމްހޫރީ ޕާޓީން ވަކިން ވާދަކުރުމަށް އެޕާޓީގެ ކައުންސިލުން ރޭ ނިންމުމާއި ގުޅިގެން، "ޖޭޕީގެ ސްލޮޓްތަކުގައި ތިއްބެވި ބޭފުޅުން ސަރުކާރުން ވަކިކުރާނެތޯ" ސީއެންއެމްއިން ކުރި ސުވާލަށް ދެއްވި ޖަވާބުގައެވެ.
މިއުވާން ވިދާޅުވީ ސަރުކާރުގައި ދެ ކެންޑިޑޭޓުން ރިޔާސީ ރޭހުގައި ތިއްބެވުމުން ކުރިއަށް ދިއުމަށް ދަތިވާނެކަމަށާއި، އެހެންކަމުން އެ މައްސަލައާއި ގުޅިގެން ރައީސް އިބްރާހިމް މުހައްމަދު ސޯލިހް، ޖޭޕީގެ ލީޑަރު ގާސިމް އިބްރާހީމާއި މަޝްވަރާ ކުރައްވާނެ ކަމަށެވެ.
ޖުމްހޫރީ ޕާޓީން އެޕާޓީގެ ލީޑަރު ގާސިމް އިބްރާހިމް ރިޔާސީ ރޭހަށް ނިކުންނެވުމަށް އިއްޔެ ބޭއްވި ކައުންސިލް ބައްދަލުވުމުގައި ނިންމެވިއިރު، މިހާރުގެ ސަރުކާރު ކޯލިޝަނާއެކު ކުރިއަށް ދިއުމަށް ނެގި ވޯޓްގައި މިސަރުކާރުގައި ތިއްބެވި ޖޭޕީއަށް ނިސްބަތްވާ ސިޔާސީ ބޭފުޅުންގެ ތެރެއިން ވޯޓް ދެއްވީ ރައީސް އޮފީހުގެ މިނިސްޓަރު އަހުމަދު ސަމީރު އެކަންޏެވެ.
މިހާރުގެ ކޯލިޝަން ޕާޓީތަކުގެ ތެރެއިން ރައީސް ސޯލިހްއަށް ތާއީދު ކުރުމަށް މިހާތަނަށް ނިންމާފައިވަނީ އަދާލަތު ޕާޓީ އެކަންޏެވެ.
ކޯލިޝަން ޕާޓީ ތަކުގެ ތެރެއިން ރައީސް މައުމޫނުގެ، މެެމްއާރުއެމުން ވެސް އަދި އިންތިހާބުގައި ކުރިއަށް ދާނެގޮތެއް ނުނިންމައެވެ.
މިއަހަރުގެ ރިޔާސީ އިންތިހާބު ބޭއްވުމަށް ނިންމާފައިވަނީ ސެޕްޓެމްބަރު މަހުގެ 9 ވަނަ ދުވަހު އެވެ. ދެވަނަ ބުރެއް ބާއްވަން ޖެހިއްޖެނަމަ ބާއްވާނީ ސެޕްޓެމްބަރު 30 ގައެވެ.
