ސޯނީ މިހެން ބުނެ ވަނީ އާލިއާ ބަޓްގެ 30 ވަނަ އުފަންދުވަހާއި ގުޅިގެން މީސްމީޑިއާއަށް ދޫކޮށްލި ފޮޓޯއަކާއި، އަސަރުގަދަ ސިޓީއެއްގައެވެ.
އެ ސިޓީއަކީ އާލިއާ ބަޓް އަށް 30 އަަހަރު ފުރުމުން އޭނާގެ މަންމަ ލިޔުނު ސިޓީއެކެވެ. އަދި ސޯނީ ޝެއާކޮށްފައިވާ އޭނާ ޒުވާންއިރުގެ ފޮޓޯއާއި އާލިއާ ބަޓްއާއި ވަރަށް ވައްތަރެވެ.
އާލިއާ ބަޓްއަކީ އެނާގެ ޓްވިންސްއެއްކަމަށް ސޯނީ ބުނަނީ އޭނާ ޒުވާން ދުވަސްވަރާއި އާލިއާ ބަޓް މިހާރު ހުރި ސިފައާއި ވައްތަރުކަމުންނެވެ.
ސޯނީ އަދި އާލިއާ ބަޓް
މިދިޔަ އަހަރުގެ ނޮވެންބަރު މަހުގެ ތެރޭގައި ދަރިއަކު ލިބުމާއި ގުޅިގެން ތިން ވަރަކަށް މަސް ދުވަހުގެ ބްރޭކެއް ނެގުމަށްފަހު އާލިއާ ބަޓް ވަނީ އަނެއްކާވެސް ފިލްމު ކުޅުމުގެ މަސައްކަތް ފަށާފައެވެ. އެގޮތުން މިހާރު އާލިއާ އަންނަނީ ކަރަން ޖޯހަރުގެ 'ރޮކީ އޮރޯ ރާނީ ކީ ޕްރޭމްކަހާނީ' ޝޫޓްކުރުމުގެ މަސައްކަތް ކުރަމުންނެވެ.
އާލިއާ އާއި ރަންބީރު ކަޕޫރު ގެ އަންހެން ދަރިފު ރަހާ ކަޕޫރު އަށް ހަތަރު މަސް ވެފައިވާއިރު ވެސް އެ ކުއްޖާގެ ފޮޓޯއެއް އަދިވެސް އެމީހުން އާންމެއް ނުކުރެއެވެ. އާލިއާ ބުނާގޮތުން އޭނާގެ ދަރިފުޅު ވައްތަރީ އޭނާއާއެވެ.
ސޯނީ ރަޒްދާން އަކީ އިނގިރޭސި ވިލާތުގެ ފިލްމު އެކްޓަރެކެވެ. އަދި ޕްރޮޑިއުސަރެކެވެ. ސޯނީ ކައިވެނިކުރީ އިންޑިއާގެ ފިލްމު ޑައިރެކްޓަރު މަހޭޝް ބަޓް އާއި އެވެ. އާލިއާ އަކީ އެ ދެމީހުންގެ ދަރިއެކެވެ.
