ފެބްރުއަރީ 2011 އިން މާރިޗް 2011 އަށް ކޮސޯވޯގެ ރަައީސްކަންކުރެއްވި ބެގްޖެޓް ޕަކާލީ މިހެން ވިދާޅުވީ، ކޮސޯވޯގެ މިނިވަކަަމަށް ދިވެހިރާއްޖެއިން ކުރި މަސައްކަތްތައް ކިޔަައިދެއްވަމުން، ރާއްޖޭގެ ކުރީގެ ފޮރިން މިނިސްޓަރު ޑރ.އަހުމަދު ޝަހީދު ކުރެއްވި ޓްވީޓަކަށް ދެއްވަައި ޖަވާބުގައެވެ.
ޑރ. ޝަހީދުގެ ޓްވީޓްގައި 1999 އަހަރު ނޭޓޯ އިން ކޮސޯވޯއަށް އެހީވުމަށް ދިވެހިރާއްޖެއިން ވޯޓްދިނީ އަވަށްޓެރި ބައެއް ގައުމުތަކާއިވެސް ދެކޮޅަށް ކަމަށް ފާހަގަ ކުރެއްވިއެވެ.
ޑރ. ޝަހީދުގެ ޓްވީޓަށް ޖަވާބުދެއްވާ ބެގްޖެޓް ޕަކާލީ ވިދާޅުވީ، ކެނޑިނޭޅި 20 އަހަރުވަންދެން މިނިވަންކަން ހޯދުމަށް ކޮސޯވޯއިން ކުރިމަސައްކަތަށް ދިވެހިރާއްޖެއިން ދިން އެއްބާރުލުުގެ މަތިން ދުވަހަކުވެސް ހަނދާން ނުނެތޭނެކަމަށާއި، އޭރު ދިވެހިން ބެހެއްޓެވި އޯގާތެރިކަމާއި، ކޮސޯވޯގެ ރައްޔިތުންނާއި އެކު ތިބިކަން ދައްކުވައިދިނީ ވަރަށް ސާބިތުކަމާއެކުކަމަށާއި އަދި އެއީ ކޮސޯވޯގެ ވަރަށްގިނަ ފަރާތްތަކުން އޭގެއިން އިބުރަތް ހާސިލްކުރިކަމެއްކަމަށްވެސް ބެގްޖެޓް ޕަކާލީ ވިދާޅުވިއެވެ.
ޔޫގޮސްލާވިއާގެ ސަލާމަތީ ބާރުތަކާއި ކޮސޯވޯގެ ލިބަރޭޝަން އާމީއާއި ދެމެދު 1998 ގައި ފެށު ހަނގުރާމާއިގައި އެތަކެއްހާސް ބަޔަކު މަރުވެ ގޮސްފައިވާއިރު، މިހަނގުރާމަ ހުއްޓުނީ، ދިވެހިރާއްޖެވެސް ވޯޓު ދީގެން، ނޭޓޯގެ ބާރުތަކުން ވައިގެ މަގުން ހަމަލާދޭން ފެއްޓުމުންނެވެ.
