ނަވާ ބުރުގާ އެޅިކަން ހާމަކުރުމުގެ ގޮތުން މީގެ ތިން ދުވަސް ކުރިން އޭނާ ވަނީ އޭނާގެ ސޯޝަލް މީޑިއާއަށް ބުރުގާއެޅި ފޮޓޯތަކެއް ލާފައެވެ.
އޭނާ ބުުރުގާއާއެކު ފޮޓޯ ލުމަށްފަހު ލިޔެފައިވަނީ ٱلْحَمْدُ لِلَّٰهِ އެވެ. ނަމަވެސް ނަވާ ބުރުގާއެޅިކަން އޭނާގެ ގިނަ ފޭނުންނަށް ގަބޫލެއް ނުކުރެވުނެވެ. މިހެންކަމުން ނަވާ ވަނީ މިއަދު އޭނާގެ ފޭނުންނަށް ހާއްސަކޮށް ޕޯސްޓެއްކޮށް އެނާ ބުރުގާ އެޅީ ހަމައެކަނި ފޮޓޯއެއް ނަގަން ނޫންކަން ޔަގީންކޮށްދީފައެވެ.
ނަވާ އަކީ ސޯޝަލް މީޑިއާ އިންފުލުއެންޒާއެއްގެ އިތުރުން ލައިސަންސު ލިބިފައިވާ ޒުމްބާ އިންސްޓްރަކްޓަރެކެވެ.
ނަވާ ބުރުގާ އަޅާފައިވާ ފޮޓޯތަކަށް ސޯޝަލް މީިޑިއާގައި އެތައް ސަތޭކަ ބަަޔަކު ކޮމެންޓު ކުރަމުން އަންނައިރު ގިނަ މީހުން ބުނަނީ ނަވާ ބުރުގާ އެޅުމުން މާ ރީތިކަމަށެވެ. އަދި އަނެއް ބަޔަކު ބުނަނީ ބުރުގާ އެޅިކަން ގަބޫލުކުރަން ދަތި ކަމަށެވެ.
