ނޭޝަނަލް ބިއުރޯ އޮފް ސްޓެޓިސްޓިކްސްގެ ބޯހިމެނުމުގެ ތަފާސް ހިސާބު ދައްކާގޮތުން ރާއްޖޭގައި ދިރިއުޅޭ އާބާދީއަކީ 515122 އެވެ.
ރާއްޖޭގައި ދިރިއުޅޭ އާބާދީ ބައި މިލިއަން ހުރަސްކޮށްފައިވާއިރު ދިވެހިންގެ އަދަދަކީ 382751 އެވެ. އަދި ބިދޭސީންގެ އަދަދަކީ 132371 އެވެ. މި ހިސާބުތައް ބުނާގޮތުން ރާއްޖޭގެ ބިދޭސީ އާބާދީއަކީ 26 އިންސައްތައެވެ.
ރާއްޖޭގެ އެކި ސަރަހައްދުތަކުގައި މީހުން އުޅޭ ނިސްބަތަށް ބަލާއިރު އެންމެ ގިނަ މީހުން ދިރިއުޅެނީ މާލޭ ސަރަހައްދުގައެވެ. އެގޮތުން މާލޭ ސަރަހައްފުގައި އާބާދީގެ %41 މީހުން ދިރިއުޅޭކަމަށް ހިސާބުތަކުން ދައްކައެވެ. އެއީ 212138 މީހުން ނެވެ.
ދެވަނައަށް އެންމެ ބޮޑު އާބާދީއެއް ދިރިއުޅޭ އައްޑޫ ސިޓީ ހިއްސާކުރަނީ ފަހެއް އިންސައްތަ އެވެ. އެއީ 25053 މީހުންނެވެ. ހދ އަތޮޅުގައި އާބާދީގެ ހަތަރެއް އިން ސައްތަ އުޅޭއިރު އެއީ 22534 މީހުން ނެވެ.
މާލެ ފިޔަވާ މީހުން ދިރިއުޅޭ ރަށްރަށުގައި އާބާދީގެ %46، ރިސޯޓްތަކުގައި %10 އަދި ސިނާއީ މަސައްކަތްކުރާ ރަށްތަކުގައި %3 މީހުން ދިރިއުޅޭކަމަށް ތަފާސް ހިސާބުން ދައްކައެވެ.
