ރޯދަ ނުހިފައިގެން ލ. އަތޮޅުން ހައްޔަރު ކުރި ދެ މީހުންނަކީ، ލ. ގަމު މަތިމަރަދޫ މީނާޒް އުމުރުން 35 އަހަރުގެ އަލީ ރަމީޒް އަދި ލ. ފޮނަދޫ ކުދިލުބޯމާގެ އުމުރުން 42 އަހަރުގެ މޫސާ ޢަބްދުﷲ އެވެ. މި ދެމީހުންގެ މައްޗަށް ފުލުހުން ތުހުމަތު ކުރަނީ ރޯދަ ނުހިފުން / ރޯދައަށް ހުރެ ރޯދަ ދޫކޮށްލުމުގެ ކުށެވެ.
ރޯދަ ނުހިފާ ކަމަށް މި ދެ މީހުންގެ މައްޗަށް ތުހުމަތު ކުރެވި ލ. ފޮނަދޫ ކޯޓަށް މި ދެ މީހުން ހާޒިރުކުރުމުން ދެ މީހުންވެސް ހަތް ދުވަހަށް ބަންދުކޮށްފައި ބޭތިއްބުމަށް ލ. ޖުޑީޝަލް ދާއިރާގެ އިސް މެޖިސްޓްރޭޓް އަލީ ޝަރީފްވަނި އަމުރުކޮށްފައެވެ.
މި ދެ މީހުން ބަންދު ކުރަން ޖެހޭ ކަމަށް ގާޒީ ނިންމެވީ، ދެ މީހުން ދޫކޮށްލައިފިނަމަ އެކަމުގެ ސަބަބުން މުޖްތަމައުގެ ސަލާމަތާއި ރައްކާތެރިކަމަށް ހުރަސް އެޅިދާނެތީއެވެ. މި މައްސަލައާ ގުޅޭ އިތުރު ތަފްސީލެއް ލިބިފައެއް ނުވެއެވެ. ދެ މީހުންގެ މުއްދަތުވެސް ޖަހާފައިވަނީ ހޮނިހިރު ދުވަހުއެވެ.
