މިއީ މިއަހަރުގެ ފެބްރުއަރީ މަހާ އަޅާބަލާއިރު، 21،495 ބަސްތާ އިތުރު އަދަދެކެވެ. މިދިޔަ ފެބްރުއަރީ މަހު އެ ކުންފުނިން ވަނީ 74،294 ބަސްތާގެ ކާޑު މާލެ ސަރަހައްދާއި އެ ކުންފުނީގެ ހަތަރު ރީޖަނަލް އެޖެންޓުންގެ އިތުރުން 525 ކާޑު އެޖެންޓުން މެދުވެރިކޮށް ފޯރުކޮށްދީފައެވެ.
ރާއްޖޭގެ އެކި ހިސާބުތަކަށް ކާޑުގެ ބާވަތްތައް ފޯރުކޮށްދިނުމަށް އެސްޓީއޯއިން ދަނީ ގިނަ މަސައްކަތްތަކެއް ކުރަމުންނެވެ.
އެގޮތުން ކުރެވެމުންދާ މަސައްކަތްތަކުގެ ތެރެއިން ނިމިދިޔަ މަހު ރާއްޖޭގެ އެކި ސަރަހައްދުތަކަށް ކާޑުގެ ބާވަތްތައް ފޮނުވާފައިވާ ގޮތުގެ ތަފާސް ހިސާބުތައް އެސްޓީއޯއިން ވަނީ އާންމުކޮށްފައެވެ.
މާޗް މަހުގެ ތެރޭގައި އެސްޓީއޯއިން ވިއްކާފައިވާ ކާޑުގެ ބާވަތްތައް:
- ހަނޑޫ - 41،542 ބަސްތާ
- ހަކުރު - 20،683 ބަސްތާ
- ގޮދަން ފުށް - 33،564 ބަސްތާ
އެސްޓީއޯއިން ބުނެފައިވާ ގޮތުގައި ވޭތުވެދިޔަ މަހު މާލެ ސަރަހައްދުން 1،621 ފަރާތަކަށް 22،214 ބަސްތާ ހަނޑުލާއި 10،951 ބަސްތާގެ ހަކުރު އަދި 16،547 ބަސްތާގެ ފުށް ފޯރުކޮށްދީފައިވާ ކަމުގައެވެ.
ނިމިދިޔަ މަހު އެ ކުންފުނީގެ ހަ ރީޖަނަލް އެޖެންޓުން މެދުވެރިކޮށް 2،795 ބަސްތާ ހަނޑުލާއި 1،645 ބަސްތާ ހަކުރުގެ އިތުރުން 2،820 ބަސްތާ ފުށް ފޮނުވާފައިވާ ކަމަށް އެސްޓީއޯގެ ތަފާސް ހިސާބުތަކުން ދައްކައެވެ.
އަތޮޅުތެރެއަށް ބޭނުންވާ ކާޑުގެ ބާވަތްތައް އެސްޓީއޯއިން ފޯރުކޮށްދެމުން ދަނީ އެ ކުންފުނީގެ ކާޑު އެޖެންޓުން މެދުވެރިކޮށެވެ. އެގޮތުން މާޗް މަހު އެ ކުންފުނީގެ ކާޑު އެޖެންޓުންގެ ގޮތުގައި ތިބި 610 ފަރާތެއް މެދުވެރިކޮށް ރަށްތަކަށް 16،533 ބަސްތާ ހަނޑޫ، 8،087 ބަސްތާ ހަކުރު އަދި 14،197 ބަސްތާގެ ފުށް ފޮނުވާފައިވެއެވެ.
