ރާއްޖޭގެ އަންހެން ދުވުންތެރިޔާ ޒިވާ ވަނީ 200 މީޓަރުގައި އިންޑިއަން ގްރޯން ޕްރީ މުބާރާތުގެ ދުވުމުން ލޯ މެޑަލް ހޯދައިފަ އެވެ. އޭނާ ރޭސް ނިންމީ 26.84 ސިކުންތުންނެވެ.
ޒިވާ އާއެކު 200 މީތަރު ދުވުމުގައި ރިފާ މުހައްމަދު ވެސް ދުވި އެވެ. ހަތަރުވަނައިގައި ނިންމި ރިފާގެ ޓައިމިން އަކީ 28.35 ސިކުންތެވެ. ރޭހުން ދެވަނައަށް ދިޔައީ 24.88 ސިކުންތުން ދުވި ކަރްނާޓަކާގެ ޖޮއިތިކާ އެވެ. އަދި އެއްވަނަ ހޯދީ 23.77 ސިކުންތުން ރޭސް ނިންމި އައްސާމްގެ ހިމާ ދާސް އެވެ.
200 މީޓަރު ދުވުމުގައި ސާއިދު ތިންވަނަ ހޯދީ 21.72 ސިކުންތުން ރޭސް ފުރިހަމަ ކޮށްގެންނެވެ. ދެވަނަ ހޯދީ 21.53 ސިކުންތުން ރޭސް ނިންމި ޗައްޓީޝްގަރުގެ އަނިމޭޝް ކުޖުރެވެ. އައްސާމްގެ އަމްލާން ބޯގޮހޭން އެއްވަނަ ހޯދީ 21.20 ސިކުންތުން ރޭސް ނިންމައިގެންނެވެ. ރިއްފަތު ރޭސް ނިންމީ 22.96 ސިކުންތުންނެވެ.
މިއަހަރު އޮތް އިންޑިއަން ގްރޯން ޕްރީގެ އެއްވަނަ އަދި ދެވަނަ މުބާރާތުގައި ވެސް މެޑަލް ހޯދި ސާއިދު ވަނީ، މި މުބާރާތުގެ 100 މީޓަރާއި 200 މީޓަރުގެ ދުވުމުން ލޯ މެޑަލް ހޯދައިފަ އެވެ.
ހޮނިހިރު ދުވަހު ބެންގަލޫރުގައި އޮންނަ އިންޑިއަން ގްރޯން ޕްރީގެ ހަތަރުވަނަ މުބާރާތުގައި ވެސް ރާއްޖޭގެ ދުވުންތެރިން ވާދަ ކުރާނެ އެވެ.
