ވޯލްޑް ޗެމްޕިއަންޝިޕްގެ ފައިނަލްސް އޮންނާނީ ޑާބަންގައި އަންނަ މަހު 20-28 އަށެވެ. އިންޓަނޭޝަނަލް ޓޭބަލް ޓެނިސް ފެޑެރޭޝަން (އައިޓީޓީއެފް)ގެ އެންމެ ބޮޑު މުބާރާތަށް މުޅި އޭޝިއާ ބައްރުން ވެސް އަންހެން ޑަބަލްސް އިވެންޓަށް ކޮލިފައިވީ ދެ ޕެއާ ކަމަށްވަނީ މައުލޫމާުތ ލިބިފައެވެ. އެއީ ރަފާ އާއި ދީމާގެ ޕެއާގެ އިތުރުން އިންޑިއާގެ ޕެއާ އެކެވެ.
ދީމާ އާއި ރަފާ ވެސް މި ވަގުތު އަންނަނީ ބައިނަލްއަގުވާމީ ލެވަލްގައި ކާމިޔާބު ހޯދުމަށް ރާއްޖޭން ބޭރުގައި އެކި ޓްރެއިނިންތައް ފުރިހަމަކުރަމުންނެވެ. ދީމާ އަދި ރަފާއަކީވެސް އަރުތަ ޕްރޮގްރާމްގެ ބައިވެރިންނެވެ.
މި ފަހުން ބައިނަލްއަގުވާމީ ލެވަލްގައި ހޯދާފައިވާ މެޑަލްތަކުގެ އަދަދަށް ބަލާއިރު، އެންމެ ގިނައިން މެޑަލް ހާސިލްކުރި ކުޅިވަރުތަކުގެ ތެރޭގައި ޓޭބަލް ޓެނިސް ހިމެނޭނެ އެވެ. މިދިޔަ އަހަރު އިސްލާމިކް ސޮލިޑާރިޓީ ގޭމްސްގައި އަންހެން ޓީމު އިވެންޓުން ރާއްޖެ ވަނީ ލޯ މެޑަލް ހޯދައިފަ އެވެ. އެ ކާމިޔާބީގައި ވެސް ރަފާ އާއި ދީމާ އިސް ދައުރެއް އަދާކުރި އެވެ.
