ފެނަކަ ކޯޕަރޭޝަންގެ މެނޭޖިންގް ޑައިރެކްޓަރު އަހުމަދު ސައީދު މުހައްމަދު އަށް ޓެގް ކުރައްވައި، ފިރުޝާން ކުރެއްވި ޓުވީޓެއްގައި ވިދާޅުވީ، ހުސްވި މާރިޗް މަހުން ފެށިގެން ސަރުކާރުގައި އާއި ފެނަކަ ކޯޕޮރޭޝަނުގައި، ހޯޑެއްދޫ ކައުންސިލް އިދާރާއިން އެދިފައިވާނެ ކަމަށެވެ.
އެހެންނަމަވެސް، ފެނަކަ ކޯޕޮރޭޝަންގެ މެނޭޖިންގް ޑައިރެކްޓަރު އަހުމަދު ސައީދު މުހައްމަދު މިކަމަށް ދެއްވީ ބީރުކަންފަތެއް ކަމަށްވެސް ފިރުޝާން ވިދާޅުވެފައިވެއެވެ.
ފިރުޝާން މިހެން ވިދާޅުވިއިރު، ގދ.ހޯޑެއްދޫ ކައުންސިލް އިން ވަނީ 20 އެޕްރީލް 2023 ވަނަދުވަހު، ހޯޑެއްދޫ ބޯފެނަށް ޖެހިފައިވާ ކަމަށާއި، އަދި މިވަގުތު ރަަށުގެ ބައެއް ގޭގޭގެ ތާންގީތަކުގައި ރައްކާކޮށްފައި ހުރި ވާރޭ ފެން އެކި ގޭގެއަށް ބަހަން ޖެހުމުގެ ސަބަބުން، ރަށުގެ ހުރިހާ ގެއަކުން ބޯފެން ހުސްވެދާނެ ފަދަ ހާލަތަކަށް ގޮސްދާނެކަމަށް ފެންނާތީވެ، ހޯޑެއްދޫއަށް ބޯފެން ހަދިޔާ ކުރަން ބޭނުންވާ ފަރާތްތަކަށް އެފުރުސަތު ހުޅުވާލައިފިކަމަށްބުނެ އިއުލާނެއް ވެސް ކޮށްފައެވެ.
